ينديرا تۇرسىنباي «بالاپان» تەلەارناسىنىڭ ديرەكتورى بولدى

استانا. قازاقپارات - جۋرناليست ينديرا تۇرسىنباي «Balapan» تەلەارناسىنىڭ ديرەكتورى قىزمەتىنە تاعايىندالدى، دەپ حابارلايدى قازاقپارات قازاقستان ترك سىلتەمە جاساپ.

«قازىر «Balapan» تەلەارناسىنىڭ الدىندا تۇرعان نەگىزگى مىندەت - بالالار كونتەنتىن وندىرۋشىلەر اراسىنداعى باسەكەلەستىكتە الدا بولۋ، انيماتسيا ءوندىرىسىن كەڭەيتۋ. ول ءۇشىن ەڭ الدىمەن ونىمدەر ساپاسىن بۇدان ءارى ارتتىرۋ ماقساتى تۇر. بۇگىندە بالالار كونتەنتىن وندىرەتىن ءتۇرلى وتاندىق جانە الەمدىك جاڭا پلاتفورمالار پايدا بولدى، باسەكەلەستىك مىقتى بولعاندىقتان، تەلەوندىرىستە كرەاتيۆتى يدەيالاردى ىسكە اسىرۋ ماڭىزدى. بۇل باعىتتا نارىقتاعى جاڭاشىل مامان رەتىندە ينديرا تۇرسىنبايدىڭ تاجىريبەسى بالالار ارناسى ءۇشىن پايدالى بولادى دەپ سەنەمىز»، - دەدى كورپوراتسيانىڭ باسقارما ءتوراعاسى ءلاززات تانىسباي.

ينديرا تۇرسىنباي 2003 -جىلدان بەرى «Qazaqstan»، «استانا»، «ەۆرازيا»، «Almaty» تەلەارنالارىندا جۇرگىزۋشى، جۋرناليست، جاڭالىقتار ءتىلشىسى بولىپ ەڭبەك ەتكەن. سوڭعى جىلدارى جەكە پروداكشن كومپانيالاردا باسشىلىق قىزمەتتەر اتقاردى.

باسقارما ءتوراعاسى بۇعان دەيىن تەلەارناعا جەتەكشىلىك ەتكەن قىمبات دوسجانعا العىس ءبىلدىردى.