ەرمۇحامەت ەرتىسبايەۆ: پارتيامىزدا ساتقىندار بار

استانا. قازاقپارات - قازاقستان حالىق پارتياسىنىڭ ءتوراعاسى ەرمۇحامەت ەرتىسبايەۆ پارتياعا ۇنەمى شابۋىل جاسالاتىنىن جانە ساتقىندار پايدا بولعانىن ايتتى، دەپ حابارلايدى قازاقپارات ءتىلشىسى.

«قازىر جەكە باسىمدا جانە پارتيامىزدا كوپتەگەن جاۋلار بار. ءبىزدىڭ پارتياعا ۇنەمى شابۋىل جاسالادى، مەن دە باستى نازاردامىن. ساتقىندار بار، وپاسىز دەگەن دە ءسوز بار. ولار ءبىزدىڭ پارتيادان شىعىپ، باسقا پارتيانىڭ اتىنان تاعى دا پارلامەنتكە ەنگىسى كەلەدى. بۇل ماسقارا. ءبىزدىڭ پارتياعا شابۋىل جاسالۋدا. ماعان ەكى رەت ەسكەرتۋ جاسالدى، قازىر ريتوريكاعا تۇسسەم، ءبىزدىڭ پارتيامىزدى سايلاۋدان الىپ تاستاۋى مۇمكىن»، - دەدى ە. ەرتىسبايەۆ ورتالىق سايلاۋ كوميسسياسىندا تىلشىلەرگە بەرگەن سۇحباتىندا.

ايتا كەتەيىك، بۇگىن قازاقستان حالىق پارتياسىنىڭ ءتوراعاسى ەرمۇحامەت ەرتىسبايەۆ ءماجىلىس سايلاۋىنا كانديداتتار قۇجاتتارىن تاپسىردى.

30-قاڭتاردا قازاقستان حالىق پارتياسىنىڭ كەزەكتەن تىس ХХІІІ سەزىندە كانديداتتار ءتىزىمى بەكىتىلگەن ەدى. پارتيالىق تىزىمدە التى ۇلتتىڭ وكىلى بار. كانديداتتاردىڭ ورتاشا جاسى 50 جاس. سونىمەن قاتار تىزىمدەگى ايەلدەر، جاستار جانە مۇگەدەك جانداردۆڭ ۇلەسى 32,6 پايىزدى قۇرايدى.