دوپتى حوككەيدەن «اقجايىق» كوش باسىنداعى كوماندادان جەڭىلىپ قالدى

None
ورال. قازاقپارات - دوپتى حوككەيدەن جوعارى ليگا كوماندالارى اراسىندا رەسەي چەمپيوناتىندا ونەر كورسەتەتىن ورالدىڭ «اقجايىعى» «سك ا- سۆەردلوۆسك» (سۆەردلوۆ وبلىسى) كلۋبىن قابىلدادى، دەپ حابارلايدى قازاقپارات ءتىلشىسى.

«جاستار» ستاديونىنداعى ماتچ اسا تارتىستى ءوتتى.

ءبىرىنشى تايمدا «اقجايىق» 3:2 ەسەبىمەن الدا تۇردى. الايدا ەكىنشى كەزەڭدە قوناقتار كۇش الىپ كەتتى. قورىتىندى ەسەپ - 7:5، «سكا- سۆەردلوۆسك» كومانداسىنىڭ پايداسىندا.

ايدىن يەلەرىنەن ەرشات امانگەلديەۆ ەكى رەت مەرگەندىك تانىتسا، ارتەم لاپشين، ماكسيم پاحوموۆ، پاۆەل چەباكوۆ ءبىر- ءبىر گولدىڭ اۆتورى اتاندى.

وسى ويىننان كەيىن 27 ۇپاي جيناعان «سكا- سۆەردلوۆسك» ءۇشىنشى توپتا كوش باسىندا كەلەدى. 18 ۇپايى بار «اقجايىق» ءتورتىنشى ورىندا.

ەرتەڭ قوس كوماندا ەكىنشى كەزدەسۋىن وتكىزەدى.

ەسكە سالا كەتەيىك، بۇدان بۇرىن دوپتى حوككەيدەن ورالدىڭ «اقجايىعىنىڭ» قارسىلاسىنا ەسە جىبەرگەنىن جازعان بولاتىنبىز.

سوڭعى جاڭالىقتار