مانەرلەپ سىرعاناۋشى كسەنيا پانكراتوۆا قاپشاعاي مۇز ايدىنىندا ۆيدەو ءتۇسىردى
ۇلكەن الماتى كولىندە مانەرلەپ سىرعاناۋمەن تانىلعان الماتىلىق مانەرلەپ سىرعاناۋشى كسەنيا پانكراتوۆا تاعى دا قاپشاعاي سۋ قويماسىنىڭ قارلى مۇزىندا ونەر كورسەتتى.
«قىس ەرتەگىسى» دەپ اتالاتىن بەينەبايانعا مۋزىكالىق سۇيەمەلدەۋ رەتىندە سپورتشى باتىر شۇكەنوۆتىڭ «وتان انا» ءانىن تاڭدادى.
ەسكە سالايىق، وسىدان ەكى جىل بۇرىن كسەنيا پانكراتوۆا مۇز قاتقان قاپشاعاي سۋ قويماسىندا قىزىل كويلەكپەن سىرعاناپ، جەلى قولدانۋشىلارىنىڭ كوزايىمى بولعان ەدى.
سونداي- اق سپورتشى سولتۇستىك قازاقستان تابيعاتىنىڭ سۇلۋلىعىن كورسەتكەن بولاتىن. ول پاۆلودار وبلىسىنىڭ وڭتۇستىگىندەگى باياناۋىل ۇلتتىق پاركىنىڭ اۋماعىندا ورنالاسقان جاسىباي كولىندە سىرعاناپ، ونەرىمەن كوپشىلىكتى ءتانتتى ەتتى.
ايتا كەتۋ كەرەك، 2018 -جىلى جەلتوقساندا سپورتشى، باپكەر كسەنيا پانكراتوۆا ۇلكەن الماتى كولىندە مانەرلەپ سىرعاناپ، ول كوپشىلىكتىڭ كوڭىلىنەن شىققان ەدى.