قازاقستاندا نەكەلەسەتىندەر ازايعان: سەبەبى نە؟
نەكە سانىنىڭ ەڭ جوعارى كورسەتكىشى 2017 -جىلى تىركەلگەن – 141791، ال رەسپۋبليكا بويىنشا ەڭ تومەنگى كورسەتكىش 2020 -جىلى تىركەلدى - 128839 نەكە.
وڭىرلەر بويىنشا وسى بەسجىلدىق كەزەڭدە نەكەگە تۇرۋ دەڭگەيى بارلىق وڭىردە ازايعان. وسىلايشا، حالىقتىڭ نەكەگە تۇرۋىنىڭ ازايعانىنا قاراماستان، 2018، 2019، 2020 جانە 2021 -جىلدارى الماتىدا قازاقستان بويىنشا نەكەلەسۋدىڭ جوعارى دەڭگەيى ساقتالعان. ودان كەيىنگى ورىندا الماتى، تۇركىستان وبلىستارى مەن استانا تۇر.
بۇل وڭىرلەردە بۇكىل رەسپۋبليكا بويىنشا نەكەلەسۋدىڭ تومەندەۋى اياسىندا حالىقتىڭ نەكە كورسەتكىشى سالىستىرمالى تۇردە جوعارى بولىپ قالا بەرەدى. وسىلايشا، جىل سايىن تىركەلگەن نەكەنىڭ جالپى سانىنىڭ ستاتيستيكاسى بۇل كورسەتكىشتىڭ بىرتىندەپ تومەندەگەنىن كورسەتەدى، ءبىراق بىرنەشە وڭىردە نەكەلەسۋ كورسەتكىشى ءالى دە جوعارى بولىپ قالا بەرەدى.
بەس جىلدىق كەزەڭ ىشىندە 2020 -جىلى بولعان نەكەلەسۋ كورسەتكىشىنىڭ ەڭ تومەنگى دەڭگەيى COVID-19 پاندەمياسىنىڭ قوعامدىق ومىرگە، سونىڭ ىشىندە حالىقتىڭ نەكەگە تۇرۋىنا اسەر ەتۋىنە بايلانىستى تۇسىندىرىلەدى.
«بۇل جاعدايدا حالىقتىڭ نەكەگە تۇرۋ كورسەتكىشىنىڭ %7,6 تومەندەۋى لوكداۋن، مەملەكەتتىك قىزمەتتەردى كورسەتۋدىڭ باياۋلاۋى جانە ۇيلەنۋ تويلارىن وتكىزۋگە شەكتەۋلەر سياقتى فاكتورلار سەبەبىنە بايلانىستى. قازاقستاندا نەكەگە تۇرۋدىڭ تومەندەۋىنىڭ باسقا فاكتورلارى الەۋمەتتىك- ەكونوميكالىق جانە دەموگرافيالىق جاعداي بولۋى مۇمكىن. ەگەر اۋىلدىق جەرلەر تۋرالى ايتساق، وندا نەگىزگى فاكتور ەكونوميكالىق فاكتور بولادى، ويتكەنى قالالار مەن اۋىلداردىڭ دامۋى ايتارلىقتاي سايكەس كەلمەيدى. اۋىلدىق جەرلەردە جۇمىسپەن قامتۋدىڭ تومەن دەڭگەيى جانە حالىق تابىسىنىڭ تومەندىگى سياقتى پروبلەمالار ءالى دە وزەكتى ەكەنىن اتاپ وتكەن ءجون»، - دەلىنگەن ۇلتتىق باياندامادا.
Massaget.kz