الماتىدا الاياقتىقتىڭ جاڭا ءتۇرى پايدا بولدى
وسىعان بايلانىستى وڭىرلىك كوممۋنيكاتسيالار قىزمەتى الاڭىندا قالالىق ادىلەت دەپارتامەنتى وكىلدەرىنىڭ قاتىسۋىمەن شۇعىل بريفينگ ءوتتى، دەپ حابارلايدى قازاقپارات ءتىلشىسى.
قالالىق ادىلەت دەپارتامەنتىنىڭ اتقارۋشىلىق ءىس جۇرگىزۋدى قامتاماسىز ەتۋ ءبولىمىنىڭ باسشىسى ءانۋار جەكسەكوۆتىڭ ايتۋىنشا، الاياقتار ازاماتتارعا تەلەفون سوعىپ، وزدەرىن ادىلەت دەپارتامەنتىنىڭ قىزمەتكەرى رەتىندە تانىستىرىپ، الداۋ جانە سەندىرۋ جولىمەن تۇرعىنداردان اقشا الىپ ءجۇر.
«ارام پيعىلدى الاياقتار جالعان ءونىمدى ينتەرنەت، الەۋمەتتىك جەلىلەر ارقىلى جوعارى باعامەن ساتۋ سحەماسى ارقىلى جاسايدى. ال، الدانعان تۇرعىندارمەن كەلىسىم جاسالعاننان كەيىن بارلىق تەلەفونداردى وشىرەدى. ءارى قاراي الاياقتار جابىرلەنۋشىلەرگە وزدەرىن ادىلەت دەپارتامەنتىنىڭ قىزمەتكەرلەرى رەتىندە تانىستىرىپ، تەلەفون شالادى، الاياقتاردىڭ ۇستالعانىن حابارلايدى، جالعان كۋالىك بەرەدى جانە وتەماقى تولەۋگە ۋادە بەرەدى. الايدا الدىن الا كوميسسيا تۇرىندە تولەم تالاپ ەتەدى»، - دەپ ءتۇسىندىردى سپيكەر.
ادىلەت دەپارتامەنتىنىڭ باسپا ءسوز حاتشىسى الماس بەكبوتايەۆتىڭ مالىمەتىنشە، بۇگىنگى كۇنى بەس جالعان قىزمەتكەرگە قاتىستى قىلمىستىق ءىس قوزعالدى.
«ادىلەت دەپارتامەنتى پوليتسياعا بەس ادامعا قاتىستى بارلىق دالەلدەيتىن ماتەريالدارمەن ارىز جولدادى. سوتالدى تەرگەپ-تەكسەرۋدىڭ باسقا دەرەكتەرى قىلمىستىق ءىس جۇرگىزۋ كودەكسىنىڭ 201-بابىنا سايكەس جاريا ەتۋگە جاتپايدى»، - دەدى ول.
ۆەدومستۆو وكىلدەرى ەل تۇرعىندارىن ءوز تۋىستارىنا، دوستارى مەن تانىستارىنا الاياقتىق فاكتىلەرى تۋرالى ەسكەرتۋگە، الاياقتاردىڭ ارانداتۋى مەن ۇگىتىنە سەنبەۋگە شاقىردى.
وسىنداي جاعداي بولعان جاعدايدا، 77772522323+ تەلەفونىنا حابارلاسىپ، الماتى قالاسى ادىلەت دەپارتامەنتىنىڭ قازىرگى قىزمەتكەرلەرى تۋرالى اقپارات الۋعا بولادى.
سونىمەن قاتار، قىزمەتكەرلەردىڭ تىزىمدەرى دەپارتامەنتتىڭ رەسمي سايتىندا جاريالانعان.