تۇركيا تابيعي گاز يمپورتىنا سۇرانىستى بيىلدان باستاپ تومەندەتۋگە نيەتتى
ەلدىڭ ەنەرگەتيكا جانە تابيعي رەسۋرستار ءمينيسترى فاتيح دونمەز «ەنەرگەتيكادا تۇركيا ءداۋىرى» سامميتىندە وسىلاي دەپ مالىمدەدى.
ايتۋىنشا، شامامەن 3 جىلدان كەيىن گاز ءوندىرۋ 15-16 ميلليارد تەكشە مەترگە جەتەدى. بۇل - انادولى جەرىنىڭ كوگىلدىر وتىنعا دەگەن سۇرانىسىنىڭ % 25- ءتى.
فاتيح دونمەز، تۇركيا ەنەرگەتيكا جانە تابيعي رەسۋرستار ءمينيسترى:
- قارا تەڭىز گازى قازىرگى قورىمەن 30 جىلدىق قاجەتتىلىكتى قاناعاتتاندىرا الادى. جاڭا كەن ورىندارى اشىلعان سوڭ مەرزىمى دە ۇزارىپ وتىرادى. تابيعي گازدى تاسىمالداۋ، تاراتۋ جانە ساقتاۋ جۇمىستارى كەمىندە 50 جىل نەمەسە ودان دا كوپ ۋاقىتتى الۋى مۇمكىن. جاڭارتىلعان ەنەرگيا كوزدەرى، سول سياقتى ءاربىر نىساننىڭ پايدالانۋ مەرزىمى كەمىندە - 30-35 -جىل.
تۇركيا تابيعي گازدى سىرتان تاسىمالداۋ تاۋەلدىلىگىن قارا تەڭىزدە تابىلعان وتىن قورى ارقىلى ازايتۋعا نيەتتى. مۇناي جانە گاز كەن ورنى ءوندىرىسى ناۋرىز ايىندا ىسكە قوسىلىپ، 30-40 جىلعا دەيىن بۇرعىلاۋ جۇمىستارى جۇرگىزىلەدى. تۇركيا ەنەرگەتيكالىق ستراتەگيالار جانە ساياسات زەرتتەۋ ورتالىعى ديرەكتورىنىڭ سوزىنشە، ەلدەگى ەنەرگيا يمپورتى تاپشىلىعى جاڭا كەن ورىندارى جۇمىسى ارقىلى قاناعاتتاندىرالادى.
وعۋزحان اكيەنەر، تۇركيا ەنەرگەتيكالىق ستراتەگيالار جانە ساياسات زەرتتەۋ ورتالىعى ديرەكتورى:
- قارا تەڭىزدەگى مۇناي- گاز قورى 710 ميلليارد تەكشە مەتر شاماسىندا. ءوندىرىس كەزەڭ- كەزەڭىمەن جالعاسادى. العاشقا ەتاپتا جالپى تۇتىنۋدىڭ % 10- ءىن الماستىراتىن تاۋلىگىنە 10 ميلليون تەكشە مەتر ءوندىرۋ كوزدەلگەن.
وسىلايشا، مەملەكەت ايىنا 1 ميلليارد دوللار ۇنەمدەي الادى - شىعىندار 9 ميللياردتان 8 ميلليارد دوللارعا دەيىن قىسقارادى. اعىمداعى جىلدىڭ ناۋرىز ايىنا جوسپارلانىپ وتىر. ودان كەيىن 40 ميلليون تەكشە مەتر تابيعي گاز ءوندىرىسى كۇن تارتىبىندە. ونى 2027 -جىلى جۇزەگە اسىرۋ جوسپارلانعان. تۇركيادا مامىر ايىندا جالپىحالىقتىق سايلاۋ وتەدى. ناۋرىزدا ىسكە قوسىلاتىن مۇناي جانە گاز كەن ورنى بيلىكتەگى ەردوعاننىڭ ساياسي دوداداعى ۇلەسىن ارتتىرماق، - دەيدى ماماندار. جالپى ەل تابيعي گازدىڭ % 99- ءىن شەتەلدەن يمپورتتايدى. قازىرگى ۋاقىتتا تۇركياعا نەگىزگى گاز جەتكىزۋشىلەردىڭ ءبىرى - % 44- ءى رەسەيدەن تاسىمالدانادى. ودان كەيىنگى ۇشتىكتى ءازىربايجان، الجير مەن يران يەلەنىپ تۇر.
www.24.kz