ەلىمىزدىڭ عالىمدارى تۇركى تىلدەرىن تانۋ تەحنولوگياسىن شىعاردى
وسىنى ەسكەرە وتىرىپ، اقىلدى جۇيەلەر جانە جاساندى ينتەللەكت ينستيتۋتىنىڭ ماماندارى بىرنەشە تۇركى ءتىلدى تانيتىن جاڭا تەحنولوگيا ازىرلەگەن. جاڭا جۇيەنىڭ ەرەكشەلىگى سول، قازاق تىلىنەن بولەك ول تاعى 9 ءتىلدى تاني الادى. اتاپ ايتقاندا، ازەربايجان، باشقۇرت، قىرعىز، وزبەك، ۇيعىر، ساحا، تاتار، تۇرىك جانە چۋۆاش تىلدەرىن اۆتوماتتى تۇردە انىقتايدى. ونى جۇزەگە اسىرۋ ءۇشىن وزىڭىزگە قاجەتتى تىلدە اۋديو تەتىگىن باسۋ ارقىلى سويلەمىڭىزدى ايتۋ كەرەك. سوندا ول اۆتوماتتى تۇردە ماتىنگە اينالادى.
رۇستەم ەشپانوۆ، اقىلدى جۇيەلەر مەن جاساندى ينتەللەكت ينستيتۋتىنىڭ تەحنيكالىق قۇجاتتارىن ازىرلەۋشىسى:
- جوبامىزدىڭ ماقساتى تۇركى تىلدەرىن فونەتيكالىق، لەكسيكالىق، مورفولوگيالىق ۇقساستىقتاردى قولدانا وتىرىپ، سيفرلىق الەمدەگى تىلدىك جانە سويلەۋ رەسۋرستارى از تۇركى تىلدەرىندەگى ءسوزدى تانۋ جۇيەلەرىن دامىتۋعا ۇلەس قوسۋ. مىسالى، ءسىز ۆيرتۋالدى اسسيستەنتكە بىرنارسە ايتساڭىز، ول سونىڭ ءبارىن جازباشا تۇردە بەرەدى. جاڭا جۇيەنى قالتا تەلەفونىنا تەگىن جۇكتەپ الۋعا بولادى.
عالىمداردىڭ ايتۋىنشا، بۇل اسىرەسە تۇركىتىلدەس ازاماتتار اراسىنداعى قارىم- قاتىناستى نىعايتۋعا كومەكتەسەدى ەكەن. ياعني وزگە تىلدەگى ءسوزدىڭ دۇرىس جازىلۋىن بىلمەگەندەر اتالمىش جۇيەنى قولدانا الادى.
حۋسەين اتاكان ۆارول، پروفەسسور:
- بۇل جۇيەنى قازاقستاننىڭ بارلىق ەلەكتروندىق پورتالىندا قولدانۋعا بولادى. ونى سايت ارقىلى تەگىن جۇكتەپ الۋعا مۇمكىندىك بار. قازىر ءبىز جاساپ جاتقان جوبالاردىڭ بارلىعى ەلىمىزدىڭ تەحنولوگيالىق دامۋىمەن قاتار، وسى سالادا بىلىكتى مامانداردى دايىنداۋعا ىقپال ەتەدى.
عالىمداردىڭ سوزىنشە، جۇيەنى جاساپ شىعارۋعا جارتى جىل ۋاقىت كەتكەن. ولار مۇنى ازيا، ەۋروپا جانە امەريكا قۇراما شتاتتارىنىڭ ۇلگىلەرىن ەسكەرە وتىرىپ، جاساندى ينتەللەكت سالاسىنداعى ۇلتتىق الەۋەتتى دامىتۋعا باعىتتالعانىن ايتادى.
www.24.kz