انتيكور كاسىپكەر قۇقىعىن قورعايتىن جوبانى ىسكە اسىرا باستادى
جوبانىڭ ماقساتى - كاسىپكەرلەرگە قۇجاتتاردى رەسىمدەۋ كەزىندە اكىمشىلىك كەدەرگىلەردى، اۋرە- سارساڭدى ەڭسەرۋگە كومەكتەسۋ، مەملەكەتتىك قىزمەتشىلەر قابىلدايتىن شەشىمدەردىڭ مەرزىمى مەن اشىقتىعىن ساقتاۋدى قامتاماسىز ەتۋ.
«كاسىپكەرلەر جەردى رەسىمدەۋ، ساۋلەت جانە باسقا دا باقىلاۋشى ورگانداردان رۇقسات الۋ، كوممۋنيكاتسيالاردى قوسۋ، سونداي- اق ءتۇرلى مەملەكەتتىك قولداۋ شارالارىن (كرەديتتەر، گرانتتار، سۋبسيديالار) الۋ كەزىندە كەزدەسەتىن ناقتى پروبلەمالاردى شەشۋمەن اينالىساتىن بولامىز»، - دەلىنگەن سىبايلاس جەمقورلىققا قارسى ءىس- قيمىل اگەنتتىگى حابارلاماسىندا.
ءمالىم ەتىلگەندەي، قازىر وڭىرلەردە بيزنەستەن ءوتىنىش قابىلداۋ ءۇشىن ارنايى الاڭدار مەن بايلانىس ارنالى جۇمىس ىستەپ جاتىر.
اۋماقتىق دەپارتامەنتتەردىڭ باسشىلارى Facebook پاراقشالارىندا حابارلامالار قابىلداۋدا.
سونداي- اق انتيكوردىڭ Call-ورتالىعىنا 1424 ءنومىرى بويىنشا حابارلاسۋعا بولادى.