وتباسى بانكى كەزەكسىز جانە كونكۋرسسىز يپوتەكا راسىمدەۋدىڭ جولىن ءتۇسىندىردى

استانا. قازاقپارات - «جاڭا باسپانا 6/50» باعدارلاماسىنا پاتەر قۇنىنىڭ جارتىسىن جيناعان قازاقستاندىقتار عانا قاتىسا الادى.

«جاڭا باسپانا 8/15» تۇرعىن ءۇي باعدارلاماسىنا 2022 -جىلعى مامىردا 700، ماۋسىمدا 360 جانە شىلدە- تامىز ايلارىندا 935 ادامنان ءوتىنىم قابىلدانعان. ولار %15 باستاپقى جارنا جانە %8 جىلدىق مولشەرلەمەمەن تۇرعىن ءۇي يپوتەكاسىن الادى.

وسى ورايدا، وتباسى بانكى Instagram جەلىسىندە بۇل باعدارلاماعا ۇلگەرمەگەن قازاقستاندىقتار ءۇشىن كەزەككە تۇرماي-اق جانە كونكۋرسقا قاتىسپاي-اق يپوتەكا راسىمدەۋدىڭ جولىن ءتۇسىندىردى. ءبىراق، بۇل ءۇشىن ۇمىتكەردىڭ وتباسى بانكىندە الاتىن پاتەر قۇنىنىڭ 50 پايىزى كولەمىندە جيناعى بولۋى شارت. الايدا، جىلدىق پايىزدىق مولشەرلەمەسى ءبىرشاما تومەن - %6.

مۇنداي ازاماتتار «جاڭا باسپانا 6/50» باعدارلاماسى اياسىندا يپوتەكا الا الادى.