اۋستراليا اشىق چەمپيوناتى ەڭ كوپ جانكۇيەر جيناعان جارىس بولدى
بيىلعى العاشقى «ۇلكەن دۋلىعا» تۋرنيرىن مىنبەدەن 839192 كورەرمەن تاماشالادى. ال ىرىكتەۋ ماتچتارىن قوسا ەسەپتەگەندە، 902312 گە جەتتى.
بۇل 2020-جىلعى اۋستراليا اشىق بىرىنشىلىگىندە جاسالعان رەكوردتان اسىپ ءتۇستى. وندا 812174 كورەرمەن جينالعان ەدى. ودان كەيىن كوروناۆيرۋس ىندەتى باستالعانى بەلگىلى.
وتكەن جىلى ۋيمبلدوندا 515164، فرانسيا اشىق چەمپيوناتىندا 613500، US Open دوداسىندا 776120 كورەرمەن تەننيس ويىندارىن تاماشالاعان بولاتىن.
بيىلعى جارىسقا نيك كيروس، كارلوس الكاراس جانە ناومي وساكا سىندى اتاقتى تەننيسشىلەر قاتىسپاسا دا، رەكوردتىق ناتيجەگە قول جەتتى. وعان قوسا رودجەر فەدەرەردىڭ وتكەن جىلدىڭ كۇزىندە تەننيسپەن قوشتاسقانى بەلگىلى. سونداي-اق بۇل اتىشۋلى سەرەنا ۋيليامستىڭ تەننيستەن كەيىنگى ءبىرىنشى «ۇلكەن دۋلىعا» تۋرنيرى ەدى.
«ۇلى ويىنشىلار كەتكەننەن كەيىن قىزىعۋشىلىق ازايادى دەلىنسە دە، ادامداردىڭ تەننيسكە ىنتا-ىقىلاسى باسەڭدەگەن جوق»، دەدى Tennis Australia اتقارۋشى ديرەكتورى كرەيگ تايلي Melbourne Age-گە بەرگەن سۇحباتىندا.
بيىلعى اۋستراليا چەمپيوناتىندا قازاقستاننىڭ ءبىرىنشى راكەتكاسى ەلەنا رىباكينانىڭ فينالعا دەيىن جەتكەنى بەلگىلى.
ەسكە سالا كەتەيىك، بۇدان بۇرىن اۋستراليا چەمپيوناتىندا ەلەنا رىباكيناننىڭ ەيس جاساۋدان رەكورد ورناتقانىن جازعان بولاتىنبىز.
يۋليا پۋتينتسيەۆا تايلاندتاعى WTA جارىسىندا جەڭىلىپ قالدى.