الماتىنىڭ ءار اۋدانىندا اۋىزسۋ ساپاسى نەلىكتەن ءارتۇرلى
ونىڭ مالىمەتىنشە، اۋىزسۋ كۇيى ءۇش تۇردە - وتە جۇمساق، ورتاشا قاتتى جانە نەعۇرلىم قاتتى بولادى.
«قالانىڭ بوستاندىق، مەدەۋ جانە المالى اۋداندارىنىڭ باسىم بولىگىندە تاۋ كوزدەرىنىڭ سۋلارى، ياعني، وتە جۇمساق سۋلار اعادى.
قالانىڭ ورتا بولىگىندە تاۋ سۋى مەن جەراستى سۋلارى ارالاساتىن بولعان سوڭ، مۇندا اۋىزسۋ ورتاشا قاتتى كۇيدە.
قالانىڭ تومەنگى بولىگىندە نەعۇرلىم قاتتى سۋلار اعادى، سەبەبى، وندا تەك جەراستى سۋلارى عانا كەلەدى»، - دەدى سەرىك شاعىروۆ وڭىرلىك كوممۋنيكاتسيالار قىزمەتى الاڭىندا وتكەن بريفينگىدە.
سپيكەر سونداي- اق اۋىزسۋدىڭ حيميالىق قۇرامى تۋرالى ايتتى.
«اۋىزسۋدىڭ ساپاسىن سۋ قاعى ارقىلى انىقتاۋعا بولمايدى. سۋ قاعى - بۇل تۇز، ماگني جانە كالتسي. سونداي- اق سۋدا ءارتۇرلى مينەرالدار، حيميالىق زاتتار بولادى. تۇز، ماگنيي جانە كالتسيي كەز كەلگەن اۋىزسۋدىڭ اجىراماس بولىگى بولىپ تابىلادى. ول فيلتردەن وتكەن سۋدان سونىسىمەن ەرەكشەلەنەدى»- دەدى سەرىك شاعىروۆ.