ديماش قۇدايبەرگەن ءۇندىستانداعى كينوفەستيۆالعا قاتىسىپ جاتىر

None
استانا. قازاقپارات - الەمدىك دەڭگەيدەگى ءانشى ديماش قۇدايبەرگەن شاڭحاي ىنتىماقتاستىق ۇيىمىنا (ش ى ۇ) مۇشە ەلدەر كينوفەستيۆالىنە قاتىسۋ ءۇشىن ءۇندىستانعا ساپارمەن باردى، دەپ حابارلايدى قازاقپارات ءتىلشىسى.

اتالعان كينوفەستيۆال مۋمباي قالاسىندا 27- قاڭتاردا باستالىپ، 31- قاڭتارعا دەيىن جالعاسادى. بۇل ءىس-شاراعا وزبەكستان، تۇركيا، قازاقستان، بەلارۋس، قازاقستان، قىرعىزستان، ءۇندىستان، قىتاي، رەسەي، ازەربايجان، ميانما، ارمەنيا، شري-لانكا ەلدەرىنىڭ وكىلدەرى قاتىسىپ جاتىر.

تاراتىلعان مالىمەتكە قاراعاندا، كينوفەستيۆال بارىسىندا شىۇ ەلدەرىنەن 57 فيلم ۇسىنىلادى. ديماش قۇدايبەرگەن وندا قازاقستان اتىنان قازىلار القاسىنىڭ قۇرامىندا بولادى.

كينوفەستيۆالدىڭ اشىلۋى راسىمىندە تانىمال قازاقستاندىق ءانشىنىڭ ونەرىن بارشا الەم ەلدەرى جوعارى باعالاپ وتىرعانى ايتىلدى.

سوڭعى جاڭالىقتار