عالىمدار قانداي ادامدار ۇزاق ءومىر سۇرەتىنىن انىقتادى

استانا. قازاقپارات - جاپونيادا سەمىزدىكتى زەرتتەيتىن قوعام بار. ولار قانداي ادامدار ۇزاق ءومىر سۇرەتىنىن زەرتتەگەن.

عالىمدار 10 جىل بويى 350 مىڭ جاپوندى باقىلاعان. زەرتتەۋگە قاتىسقانداردىڭ بارلىعى ەرىكتىلەر جانە ءتۇرلى سالماقتاعى ادامدار بولعان.

بۇل تۋرالى Asian Review جازدى.

دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا سەمىزدىك - اۋرۋ. ەگەر ادامنىڭ دەنە سالماعىنىڭ يندەكسى 22 بىرلىكتەن اسسا، دياگنوزدى دارىگەر انىقتايدى. سونداي-اق د س ي (دەنە سالماعىنىڭ يندەكسىن) وڭاي انىقتاۋعا بولاتىن فورمۋلا بار، ول ءۇشىن سالماعىڭىزدى كەلىدەگى بيىكتىگىڭىزدىڭ كۆادراتىنا ءبولىڭىز.

سونىمەن، 40 جاستان جوعارى 350000 ادامدى 10 جىلدىق باقىلاۋدان كەيىن عالىمدار كەلەسى قورىتىندىعا كەلدى: سالماعى ستاندارتتان ءسال جوعارى ادامداردا ءولىم قاۋپى تومەن. بۇل ناتيجە بارلىعىن تاڭ قالدىردى، ويتكەنى سەمىزدىكتىڭ زيان ەكەنىن ۇنەمى ەستيمىز، «ارىقتاۋ كەرەك، سپورتزالعا بارۋ كەرەك، ديەتانى ساقتاۋ كەرەك» دەپ ايتامىز. ءبىراق ولاي ەمەس بولىپ شىقتى.

مۇنداي ادامداردىڭ د س ي كەلەسىدەي:

ايەلدەر ءۇشىن 23-24,9.

ەرلەر ءۇشىن 25-26,9.

ياعني، ەگەر ادام ارىق بولسا، بۇل ونىڭ ۇزاق ءومىر سۇرەتىنىن بىلدىرمەيدى. مەديتسينالىق كورپوراتسيانىڭ باسشىسى دجۋن يۋساكي قارتايعاندا ارىق بولعانشا، كوپ تاماقتانعان دۇرىس دەيدى. ويتكەنى، ارىق بولۋ دەنساۋلىق پەن ۇزاق ءومىر ءسۇرۋدىڭ جولى دەپ قانشا ايتسا دا، جاپون زەرتتەۋى كەرىسىنشە ناتيجە كورسەتەدى.

ساساكي ادام قارتايعان سايىن سۇيەكتەر نازىك بولادى دەيدى. فيزيكالىق جانە پسيحيكالىق بەلسەندىلىكتىڭ تومەندەۋى جانە اتەروسكلەروز جانە وسىلايشا ەگدە جاستا داميدى. تاماق جانە ازداپ ارتىق سالماق سۇيەكتەردى نىعايتۋعا جانە قارتايعان كەزدە ساۋ بولۋعا كومەكتەسەدى.

ايتا كەتەيىك بۇعان دەيىن تەراپيەۆت ۆارۆارا ۆەرەتيۋك ارتىق سالماقتىڭ ارتىقشىلىقتارى بار ەكەنىن ايتقان بولاتىن.

«جاسى ۇلعايعان سايىن، سالماعى وزگەرىسسىز قالسا دا، مايدىڭ جالپى مولشەرى ارتادى، ءتىپتى قايتا بولىنەدى: تەرى استىنداعى ماي از، ال ىشكى اعزادا (ۆيستسەرالدى - ءىشتىڭ ىشىندە، باۋىردا، بۇلشىقەتتەردە) كوپ»، - دەدى تەراپيەۆت.

سونىمەن، دارىگەرلەر قارت ادام سالماعىن جوعالتسا، بۇلشى ەت ماسساسىن جوعالتاتىنىن انىقتادى.

ارينە، ەگدە جاستاعى ادامداردا سەمىزدىك ءالى دە قانت ديابەتى، بۋىن اۋرۋى قاۋپىن ارتتىرادى، ءبىراق ول سونىمەن قاتار سۇيەك تىعىزدىعىن ارتتىرادى جانە ەگدە جاستاعى جامباستىڭ سىنۋىنان (وستەوپوروز) قورعايدى.

50 جاستان اسقاسىن ادامدار وستەوپوروزدان زارداپ شەگەدى. وسى اۋرۋعا بايلانىستى ەگدە جاستاعى ادامداردىڭ قۇلاۋى ءجيى جامباستىڭ سىنۋىنا اكەلەدى، ونىڭ سالدارى بويىنشا ينفاركتپەن تەڭەستىرۋگە بولادى.