ەلىمىزگە تۋريزم جونىندەگى مينيسترلىك كەرەك - ساراپشى

None
استانا. قازاقپارات - قالاداعى تۋريزمدى دامىتۋ ورتالىعى قاۋىمداستىعىنىڭ ديرەكتورى تاتيانا ۆەرنيتسكايا ەلىمىزدىڭ تۋريزم سالاسىندا جاڭا مۇمكىندىكتەرگە نازار اۋدارۋ كەرەك ەكەنىن ايتتى، دەپ حابارلايدى قازاقپارات ءتىلشىسى.

«تۋريزم سالاسىن دامىتىپ جاتقان ەلدەردى قاراساق، بۇل مەملەكەتتەردىڭ بارلىعىندا تۋريزم مينيسترلىگى بار. ءار اكىمدىكتە تۋريزم باسقارماسى بولۋى كەرەك. بۇل تۇرعىدا وسى سالاعا قاتىستى ءتيىستى ءبىلىمى بار ادامدار جۇمىس ىستەۋى ءتيىس»، - دەدى ت. ۆەرنيتسكايا اگەنتتىك ءتىلشىسىنىڭ سۇراعىنا جاۋاپ بەرە وتىرىپ.

وسى ورايدا، ول قازاقستاندا تۋريزمدى دامىتۋ الەۋەتى جوعارى ەكەنىن ايتتى.

«بىزدە كاسپي تەڭىزى، بالقاش بار. ەلىمىزدە تۋريزمدى دامىتاتىن كەرەمەت وڭىرلەر از ەمەس. الايدا، دەمالىس ورىندارىندا قويىلعان باعا تىم قىمبات. سوندىقتان، قوناقۇ يلەرگە تۋريستەردىڭ كوپتەپ اعىلۋىن قامتاماسىز ەتۋىمىز كەرەك. ءبىز ادامداردى توپتاستىرىپ جىبەرگەن كەزدە، قوناق ءۇي يەلەرى ۇنەمى باعانى تومەندەتۋگە كەلىسەتىنىن بىلەمىز»، - دەدى ت. ۆەرنيتسكايا اگەنتتىك ءتىلشىسىنىڭ سۇراعىنا جاۋاپ بەرە وتىرىپ.

ونىڭ سوزىنە قاراعاندا، ەلىمىز وڭىرلەرىندەگى كليماتتى ەسكەرە وتىرىپ، تۋريزم سالاسىنداعى جاڭا مۇمكىندىكتەردى قاراستىرۋعا بولادى.

«بىزدە تەك جاز ايلارىندا عانا دەمالۋعا بولادى دەگەن پىكىر بار. اتاپ ايتقاندا، بۋرابايعا ادامدار جازدا بارىپ، قىس كەزىندە تۋريستەر ازايىپ كەتەدى. وندا قىستا دا دەمالىس كۇنىن جاقسى وتكىزۋگە بولادى. استانادا دا ءدال وسىنداي جاعداي»، - دەدى ساراپشى.

بۇدان بۇرىن حابارلانعانداي، تاتيانا ۆەرنيتسكايا قازاقستانعا قاي ەلدەردىڭ تۋريستەرى كوپتەپ كەلۋى مۇمكىن ەكەنىن ايتتى.

سوڭعى جاڭالىقتار