ورالدا تانىسىن ولتىرگەن تۇرعىن پوليتسياعا ءوزى كەلدى

None
ورال. قازاقپارات - ورال قالاسىندا تانىسىن ولتىرگەن تۇرعىن پوليتسياعا ءوزى كەلدى، دەپ حابارلايدى قازاقپارات ءتىلشىسى.

قازاقپارات بۇدان بۇرىن جازعانىنداي، 26- قاڭتار كۇنى ورالدا تۇرعىن ءۇيدىڭ اۋلاسىنان ەر ادامنىڭ دەنەسى تابىلعان بولاتىن.

ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، مارقۇمدى ولتىرگەن كۇدىكتى بەلگىلى بولدى.

«ورال قالاسى پوليتسيا باسقارماسى اباي پوليتسيا ءبولىمىنىڭ قىزمەتكەرلەرى قاڭتاردىڭ 23 ىنەن 24 ىنە قاراعان ءتۇنى بولعان كىسى ءولتىرۋ قىلمىسىن اشتى. الدىن الا تەرگەۋ بارىسىندا انىقتالعانىنداي، سول كۇنى 1966 جانە 1970-جىلعى ەكى تانىس بىرگە اراق ىشكەن. سودان كەيىن 1966-جىلعى تۇرعىننىڭ ۇيىنە كەلگەن. ىشىمدىك ءىشۋ بارىسىندا تالاس تۋىنداپ، اۋلاعا شىعىپ، توبەلەسكەن. ءۇيدىڭ يەسى قۇلاپ قالعان كەزدە 1970-جىلعى ەر ادام وقيعا ورنىنان بوي تاسالاعان. اۋلا بيىك قورشاۋمەن قورشالعاندىقتان، كورشىلەر ەشتەڭە كورمەگەن. سول سەبەپتى مۇردە اۋلادا ەكى كۇن جاتىپ قالعان. 26- قاڭتار كۇنى كۇدىكتى پوليتسياعا ءوزى كەلىپ، وقيعانىڭ قالاي بولعانىن ايتىپ بەردى. وقيعا ورنىن قاراۋ، دالەلدەمەلەردى جيناۋ بارىسىندا ونىڭ كىسى ولىمىنە قاتىستىلىعى انىقتالدى. ءسويتىپ ۋاقىتشا ۇستاۋ يزولياتورىنا قامالدى. قازىرگى كەزدە ق ر ق ك 99-بابى 1-بولىگىنە (كىسى ءولتىرۋ) سايكەس سوتقا دەيىنگى تەرگەۋ امالدارى جالعاسۋدا»، دەپ حابارلادى ۆەدومستۆودان.

سوڭعى جاڭالىقتار