ساراپشى ەلورداداعى قوناق ءۇي بيزنەسىنە قاتىستى پىكىر ءبىلدىردى

None
استانا. قازاقپارات - ەلورداداعى قوناق ۇيلەرگە تۋريستەر از كەلەدى. بۇل تۋرالى قالاداعى تۋريزمدى دامىتۋ ورتالىعى قاۋىمداستىعىنىڭ ديرەكتورى تاتيانا ۆەرنيتسكايا ايتتى، دەپ حابارلايدى قازاقپارات ءتىلشىسى.

«استانادا 214 قوناق ءۇي بار جانە ولاردا مەيمانداردىڭ ورنالاسۋى دەڭگەيى ورتاشا ەسەپپەن 26 پايىزدى قۇراپ وتىر. بۇل كورسەتكىشتى تىم از دەپ ايتۋعا بولادى. قوناق ءۇي قىزمەتىنەن تابىس الۋ ءۇشىن ونىڭ بولمەلەرىنىڭ 40 پايىزىندا ادام بولۋى كەرەك. ال وسى كورسەتكىش 60 پايىزعا جەتسە، وندا بۇل سالانىڭ دامىعانىن كورەمىز»، - دەدى ت. ۆەرنيتسكايا اگەنتتىك ءتىلشىسىنىڭ سۇراعىنا جاۋاپ بەرە وتىرىپ.

ونىڭ پايىمىنشا، ۇجىمدىق تۋريزمدى دامىتۋعا نازار اۋدارۋ كەرەك.

«ەكسپو (2017-جىلى) كەزىندە ەلورداعا ەڭبەك ۇجىمدارى مەن مەكتەپ وقۋشىلارىنىڭ كوپتەپ كەلۋىنەن مول تاجىريبە جيناقتادىق. نەگە وسىنى قايتالاماسقا؟ نەلىكتەن ەكسپودان كەيىن وسى باعىتتاعى جۇمىستار توقتاپ قالدى؟ بۇل تۇرعىدا ءتيىستى ۆەدومستۆولار تۋريزمگە قاتىستى وسىعان دەيىنگى باستامالاردى قايتا پىسىقتاۋى كەرەك دەپ سانايمىن»، - دەدى ساراپشى.

سوڭعى جاڭالىقتار