تەراكت جاساعان كۇدىكتىنىڭ اتا-اناسى ۇستالدى

None
استانا. قازاقپارات - يزرايلدىڭ قورعانىس اسكەرى شىعىس يەرۋساليمنىڭ نيەۆە-يااكوۆ كۆارتالىنداعى سيناگوگا الدىندا وق اتقان لاڭكەستىڭ اتا-اناسىن ۇستادى، دەپ حابارلايدى قازاقپارات Jerusalem Post باسىلىمىنا سىلتەمە جاساپ.

«يزرايل قورعانىس اسكەرىنىڭ كۇشتەرى اتىستان بىرنەشە ساعات وتكەننەن كەيىن لاڭكەستىڭ اتا-اناسىن تۇتقىنداپ، شىعىس يەرۋساليمدەگى ءۇيىن قورشاۋعا الدى»، - دەلىنگەن باسىلىمنىڭ اقپاراتىندا.

كەيىنىرەك پوليتسيا سيناگوگا ماڭىنداعى لاڭكەستىك ارەكەتكە قاتىسى بار دەگەن كۇدىكپەن 42 ادام ۇستالعانىن مالىمدەدى.

بۇعان دەيىن يەرۋساليمنىڭ شىعىسىنداعى نيەۆە-يااكوۆ كۆارتالىندا سيناگوگا الدىنداعى اتىستان 7 ادام مەرت بولىپ، 10 تۇرعىن جاراقات العانى حابارلانعان بولاتىن. قارۋدان وق جاۋدىرعان 21 جاستاعى لاڭكەستىڭ كوزى جويىلدى.

قىلمىسكەر حاماس راديكال توبى اسكەري قاناتىنىڭ مۇشەسى بولعان. ولار بۇل شابۋىلدى «پالەستينالىقتاردىڭ ءولىمى ءۇشىن كەك الۋ» دەپ مالىمدەدى.

سۋرەتتى يزرايل قورعانىس اسكەرىنىڭ باسپا ءسوز قىزمەتى ۇسىندى

سوڭعى جاڭالىقتار