ەلەنا رىباكينا چەمپيون اتاعىنا يە بولا المادى

None
استانا. قازاقپارات - قازاقستاننىڭ ءبىرىنشى، الەمنىڭ 25-راكەتكاسى ەلەنا رىباكينا اۋستراليا اشىق چەمپيوناتىنىڭ فينالىندا دۇنيەجۇزىلىك رەيتينگىدە 5-ورىندا تۇرعان بەلارۋس تەننيسشىسى ارينا سوبولەنكومەن باس جۇلدەنى ساراپقا سالدى، دەپ حابارلايدى قازاقپارات ءتىلشىسى.

بۇعان دەيىن قازاقستاندىق تەننيسشى ۋيمبلدون چەمپيونى اتانسا، قارسىلاسى «ۇلكەن دۋلىعا» تۋرنيرىنىڭ فينالىنا العاش رەت شىعىپ وتىر.

سپورتشىلاردىڭ ەكەۋىنىڭ دە بويلارى ۇزىن، ولار دوپ بەرگەندە، ەيستى كوپ جاسايدى ءارى سوققىلارىن قايتارۋ قيىن. العاشقى ەكى گەيمدە سولاي بولدى دا. دەگەنمەن، ەسەپ 1:1 بولعان مەزەتتە قازاقستاندىق تەننيسشى برەيكپەن العا شىقتى. بەلورۋسسيالىق سپورتشى قايىرا برەيك جاساپ، تارازى باسىن تەڭەستىردى - 4:4. بۇدان كەيىن ەلەنا رىباكينا تاعى ءبىر برەيكپەن بىرگە ءوز گەيمىن الا ءبىلدى - 6:4.

ەكىنشى پارتيادا ا. سوبولەنكو برەيكپەن العا كەتتى - 3:1. سوسىن ءوز مۇمكىندىگىن جىبەرگەن جوق - 6:3.

ءۇشىنشى، شەشۋشى سەتتە ەسەپ 3:3 بولعان مەزەتتە بەلورۋسسيالىق تەننيسشى برەيك جاساي الدى. اقىرى ماتچتى جەڭىسپەن تۇيىندەدى - 6:4.

وسىلايشا، ا. سوبولەنكو العاش رەت «ۇلكەن دۋلىعا» تۋرنيرىنىڭ چەمپيونى اتاندى.

باس-اياعى 2 ساعات 29 مينۋتقا سوزىلعان تارتىستى باسەكە بارىسىندا ە. رىباكينا 9 برەيك جاساپ، 6 برەيك-پوينتتىڭ ەكەۋىن پايدالاندى. قارسىلاسى 17 ەيس، 3 برەيكپەن (13 برەيك-پوينت) كوزگە ءتۇستى.

ەسكە سالا كەتەيىك، بۇدان بۇرىن اۋستراليا چەمپيوناتىندا ەلەنا رىباكينانىڭ فينالدا چەمپيوندىق اتاققا تالاساتىنىن جازعان بولاتىنبىز.


سوڭعى جاڭالىقتار