اسكەري اۋە كۇشتەرىنىڭ ەكى جويعىش ۇشاعى اپاتقا ۇشىرادى

استانا. قازاقپارات - ءۇندىستانداعى اسكەري اۋە كۇشتەرىنىڭ سۋ-30 جانە Mirage 2000 يسترەبيتەلدەرى مادحيا-پرادەش شتاتىندا وقۋ-جاتتىعۋ كەزىندە اپاتقا ۇشىرادى، دەپ حابارلايدى قازاقپارات ر ب ك اگەنتتىگىنە سىلتەمە جاساپ.

اگەنتتىكتىڭ NDTV تەلەارناسىنا سىلتەمەمەن حابارلاۋىنشا، ۇشاقتار گۆاليور قالاسىنداعى اۋە بازاسىنان ۇشقان. سودان كەيىن ولار مورەنا قالاسى ماڭىندا اپاتقا ۇشىراعان. وقيعا ورنىنا قۇتقارۋشىلار جەتتى.

سۋ-30 يسترەبيتەلىنىڭ بورتىندا ەكى ۇشقىش، ال Mirage 2000-نىڭ ىشىندە تەك ءبىر ۇشقىش بولعان.

ءۇندىستان قورعانىس مينيسترلىگىندەگى اگەنتتىك دەرەككوزى زارداپ شەككەن ەكى ۇشقىش تابىلعانىن، ولاردىڭ ومىرىنە قاۋىپ ءتونىپ تۇرماعانىن حابارلادى. ءۇشىنشى ۇشقىش تۇرعان جەرگە اسكەري اۋە كۇشتەرىنىڭ تىكۇشاعى ۇشىپ شىقتى.

ءۇندىستانداعى اسكەري اۋە كۇشتەرىنىڭ باسشىلىعى وقيعانى تەرگەۋ ءۇشىن ارنايى كوميسسيا قۇردى. ساراپشىلار اپاتتىڭ سەبەبى مەن ۇشاقتار اۋەدە سوقتىعىسپادى ما دەگەن سۇراققا جاۋاپ ىزدەيدى.