بۇگىن قازاقستاندىق تەننيسشى اۋستراليا اشىق بىرىنشىلىگىنىڭ فينالىندا چەمپيوندىق اتاقتى ساراپقا سالادى
قوس تەننيسشى دە اۋستراليا اشىق چەمپيوناتىنىڭ فينالىنا العاش رەت شىعىپ وتىر.
بۇعان دەيىن 23 جاستاعى ەلەنا رىباكينا 2020-جىلى ءۇشىنشى اينالىمعا دەيىن جەتكەن ەدى. ال ودان ءبىر جاسقا ۇلكەن ارينا سوبولەنكو ءتورتىنشى اينالىمنان اسىپ كورگەن ەمەس.
ە. رىباكينانىڭ وتكەن جىلى ۋيمبلدون تۋرنيرىنىڭ چەمپيونى اتانعانى بەلگىلى. ا. سوبولەنكو 2021-جىلى ۋيمبلدون مەن US Open، 2022-جىلى US Open دوداسىندا جارتىلاي فينالعا دەيىن جەتكەن. بۇل ونىڭ «ۇلكەن دۋلىعا» تۋرنيرىندەگى العاشقى فينالى بولماق.
قارسىلاستار ءوزارا ءۇش رەت كەزدەسىپ، بارىندە دە بەلارۋستىك تەننيسشى ءۇش سەتتە باسىم تۇسكەن.
فينالدىق ماتچ سەنبى كۇنى استانا ۋاقىتىمەن ساعات 14.30 دا باستالادى.
اۋستراليا اشىق چەمپيوناتىنىڭ جالپى جۇلدە قورى 51,3 ميلليون ا ق ش دوللارىنان اسادى.
ەسكە سالا كەتەيىك، بۇدان بۇرىن اۋستراليا چەمپيوناتىندا ەلەنا رىباكينانىڭ العاش رەت فينالعا شىققانىن جازعان بولاتىنبىز.
سونداي-اق ەلەنا رىباكينا اۋستراليا چەمپيوناتىندا ەيس جاساۋدان ۇزدىك اتاندى.
قازاقستاندىق جاس تەننيسشى اۋسترالياداعى تۋرنيردىڭ فيناليسى اتاندى.
قازاقستاندىق تەننيسشى قىزدار ءۇندىستانداعى تۋرنيردىڭ فينالىنا شىقتى.