باكالاۆر، ماگيستر دارەجەلەرى بەرىلەتىن ءبىلىم گرانتىن ءبولۋ ءتارتىبى وزگەردى

None
استانا. قازاقپارات - ۇكىمەتتىڭ قاۋلىسىمەن اۋىل جاستارى اراسىنان شىققان ازاماتتارعا «باكالاۆر» نەمەسە «ماگيستر» دارەجەلەرى بەرىلەتىن ج و و- دا ءبىلىم گرانتىمەن وقۋ تارتىبىنە وزگەرىستەر ەنگىزىلدى، دەپ حابارلايدى قازاقپارات ۇكىمەتتىڭ سايتىنا سىلتەمە جاساپ.

«اۋىل جاستارى اراسىنان شىققان قازاقستان رەسپۋبليكاسىنىڭ ازاماتتارى ءۇشىن كۆوتا بەلگىلەنگەن ءبىلىم بەرۋ باعدارلامالارىنىڭ توپتارىنا ارنالعان كونكۋرس مىناداي تۇردە وتەدى: ءبىلىم بەرۋ باعدارلامالارىنىڭ وسى توپتارى بويىنشا گرانتتاردىڭ جالپى سانىنىڭ %65 جالپى كونكۋرس تارتىبىمەن بەرىلەدى، ال گرانتتاردىڭ قالعان %35 كونكۋرس اۋىل جاستارى اراسىنان شىققان قازاقستان رەسپۋبليكاسىنىڭ ازاماتتارى ءۇشىن عانا وتكىزىلەدى»، - دەلىنگەن ۇكىمەتتىڭ 2023-جىلعى 23- قاڭتارداعى 31№ قاۋلى ماتىنىندە.

ايتا كەتسەك، بۇرىنعى قاۋلىدا گرانتتاردىڭ 30 پايىزى كونكۋرس نەگىزدە تەك اۋىل جاستارى اراسىنان شىققان ازاماتتار ءۇشىن وتكىزىلگەن ەدى.

سوڭعى جاڭالىقتار