الماتىدا كامەلەت جاسىنا تولماعان قىز جول اپاتىنان كوز جۇمدى

الماتى. قازاقپارات - الماتىدا جول اپاتىنان ءبىر ادام كوز جۇمدى، ەكىنشىسى اۋىر جاعدايدا اۋرۋحاناعا جەتكىزىلدى، دەپ حابارلايدى قازاقپارات.

وتكەن ءتۇنى ءسۇيىنباي داڭعىلىنىڭ 13-اسكەري قالاشىق اۋدانىنان وتەتىن تۇسىندا اۋىر اپات بولدى.

BMW اۆتوكولىگىنىڭ جۇرگىزۋشىسى داڭعىل بويىمەن وڭتۇستىككە قاراي ءجۇرىپ كەلە جاتقان.

ءبىر ۋاقىتتا رۋلدى باسقارا الماي قالعان ول كولىكتى اعاشقا اپارىپ سوققان، سودان كەيىن ماشينا ينەرتسيا ارقىلى شام باعانىنا قاراي ۇشىپ ءتۇستى.

2004-جىلى تۋعان جۇرگىزۋشىنىڭ ءوزى اۋىر جاراقات الدى. ونى جەدەل جاردەم بريگاداسى 4№ قالالىق اۋرۋحاناعا جەتكىزدى.

ال 17 جاستاعى جولاۋشى العان جاراقاتىنان سول جەردە قايتىس بولدى.

جول-كولىك وقيعاسىن الماتى پوليتسيا دەپارتامەنتىنىڭ قىزمەتكەرلەرى تەرگەپ جاتىر.