پرەزيدەنت ق ت ج باسقارما ءتوراعاسى نۇرلان ساۋرانبايەۆتى قابىلدادى

استانا. قازاقپارات - پرەزيدەنت «قازاقستان تەمىر جولى» ۇ ك» ا ق باسقارما ءتوراعاسى نۇرلان ساۋرانبايەۆتى قابىلدادى، دەپ حابارلايدى اقوردا.

مەملەكەت باسشىسىنا ۇلتتىق كومپانيانىڭ بىلتىر اتقارعان جۇمىستارىنىڭ نەگىزگى ناتيجەسى، تەمىرجول سالاسىن دامىتۋدىڭ الداعى كەزەڭگە ارنالعان جوسپارى، سونداي-اق بەرىلگەن تاپسىرمالاردىڭ ورىندالۋ بارىسى جونىندە مالىمەت بەرىلدى.

نۇرلان ساۋرانبايەۆتىڭ ايتۋىنشا، «قازاقستان تەمىر جولى» ۇ ق» اكسيونەرلىك قوعامىنىڭ جۇك تاسۋ اينالىمى 252 ميلليارد توننا-شاقىرىمعا دەيىن ارتتى.

بۇل - ەلىمىزدىڭ تاۋەلسىزدىك جىلدارىنداعى ەڭ جوعارى كورسەتكىشى. ج پ ە- مەن (جيىرما پۇتتىق ەكۆيۆالەنتپەن) ەسەپتەگەندە، جالپى كونتەينەرمەن تاسىمالداۋ كولەمى 1,129 مىڭعا دەيىن ءوستى.

ونىمەن قاتار قاسىم-جومارت توقايەۆقا ينفراقۇرىلىمدىق جوبالاردىڭ ىسكە اسىرىلۋى جونىندە باياندالدى. ءۇش جىلدا بارلىعى 1285 شاقىرىم جول سالۋ جوسپارلانىپ وتىر.

بۇل جۇك تاسىمالىنىڭ كولەمىن ۇلعايتىپ، ەلىمىزدىڭ ەكسپورتتىق الەۋەتىن ارتتىرۋعا مۇمكىندىك بەرەدى.

تەمىرجول قۇرىلىسىندا پايدالانىلاتىن قازاقستاندىق ونىمدەر مەن قىزمەتتەردىڭ ۇلەسى - 85 پايىز.

بۇدان بولەك، «قازاقستان تەمىر جولى» باسشىسى پرەزيدەنتكە حالىقارالىق كولىك دالىزدەرىن دامىتۋ جانە اقتاۋ، قۇرىق تەڭىز پورتتارىنىڭ وتكىزۋ قابىلەتىن كەڭەيتۋ جۇمىستارىنىڭ بارىسى، سونداي-اق حالىقارالىق ءىرى كولىك-لوگيستيكالىق كومپانيالارمەن ىنتىماقتاستىق ماسەلەلەرى جونىندە ايتتى.

كەزدەسۋ سوڭىندا مەملەكەت باسشىسى تەمىرجول ينفراقۇرىلىمىن دامىتۋعا جانە جاڭعىرتۋعا قاتىستى ءبىرقاتار ناقتى تاپسىرما بەردى.