توقتار تولەشوۆ جازاسىن قايدا وتەپ جاتقانى بەلگىلى بولدى
OTYRAR رەداكسياسى قىلمىستىق-اتقارۋ جۇيەسى كوميتەتىنە رەسمي ساۋال جولداپ، كاسىپكەر جازاسىن قايدا وتەپ جاتقانىن انىقتاعان. ايتا كەتەيىك، بىلتىر بىرنەشە ب ا ق- تا تولەشوۆ بوستاندىققا شىعۋى مۇمكىن دەگەن اقپارات تاراعان ەدى.
كاسىپكەر جازاسىن شىعىس قازاقستان وبلىسىنداعى قاتاڭ رەجيمدەگى كولونيادا وتەپ جاتىر.
«سوتتالعان ش ق و بويىنشا ق ا ج د 18№ مەكەمەسىندە جازاسىن وتەپ جاتىر. سوت ماكسيمالدى قاۋىپسىزدىك مەكەمەسىنىڭ ءتۇرىن انىقتادى»، - دەپ جاۋاپ بەردى ق ا ج ك وكىلدەرى رەداكسيانىڭ رەسمي ساۋالىنا.
ەسكە سالايىق، كاسىپكەر توقتار تولەشوۆ 2016-جىلى 21 جىلعا باس بوستاندىعىنان ايىرىلعان بولاتىن. ول ازاپتاۋ، كىسى ءولتىرۋدى ۇيىمداستىرۋ، ۇرلاۋ، زاڭسىز باس بوستاندىعىنان ايىرۋ، ەكسترەميستىك توپتى قۇرۋ جانە باسقارۋ، قىلمىستىق توپتى قارجىلاندىرۋ، بيلىكتى كۇشپەن باسىپ الۋعا باعىتتالعان ارەكەتتەر، ەسىرتكىنى زاڭسىز پايدالانۋ دەرەكتەرى بويىنشا كۇدىككە ىلىنگەن بولاتىن. «سىرا كورولىنىڭ» 9 ءۇيى، اسىل تۇقىمدى جىلقىلارى مەن قىمبات كولىكتەرى تاركىلەندى.