بىلتىر قازاقستاندىقتار قانشا كەپىلسىز، يپوتەكالىق جانە اۆتوكرەديت العانى بەلگىلى بولدى
ب ك ب دەرەكتەرى بويىنشا قارىز الۋشىلاردىڭ جارتىسى، ياعني 3,5 ميلليون ادامنىڭ قالعان بەرەشەگى 500 مىڭ تەڭگەدەن اسپايدى. بۇل رەتتە ولارعا جالپى بەرەشەكتىڭ تەك 10 پايىزى نەمەسە شامامەن 740 ميلليارد تەڭگەسى تيەسىلى. 2022-جىلى بۇل قارىز الۋشىلاردىڭ پورتفەلى 9 پايىزعا ءوستى. بۇل رەتتە ورتاشا بەرەشەك 202 مىڭ تەڭگە بولادى.
2022-جىلى بەرىلگەن تۇتىنۋشى نەسيەسىنىڭ كولەمى 6,7 تريلليون تەڭگە بولدى، بۇل بىلتىرعى دەڭگەيدەن 16,8 پايىزعا ارتىق. بەرىلگەن ورتاشا سوما ازايعان: ءبىر جىل ىشىندە 314 مىڭنان 246 مىڭ تەڭگەگە دەيىن تومەندەدى. بۇل رەتتە قارىز الۋشىلاردىڭ 90 پايىزىندا بەرىلگەن نەسيەنىڭ ورتاشا مولشەرى قاڭتاردا 178 مىڭنان جەلتوقساندا 171 مىڭعا دەيىن تومەندەگەن.
كەپىلمەن بەرىلگەن تۇتىنۋشى نەسيەسىنىڭ جالپى سوماسى 26,1 پايىزعا (61,6 ميلليارد تەڭگە)، 297,8 ميلليارد تەڭگەگە دەيىن ۇلعايدى.
2022-جىلى بەرىلگەن يپوتەكا نەسيەسىنىڭ جالپى سانى 159 مىڭ بولعان. بۇل 2021-جىلعى دەڭگەيدەن 3,6 مىڭعا از. بۇل رەتتە بەرىلگەن سوما 12,2 پايىزعا ارتىپ، 2,3 تريلليون تەڭگەگە جەتتى.
«يپوتەكالىق نەسيە كوپ بەرىلگەن كەز - قازان (236,7 ميلليارد تەڭگە). بۇل كەزەڭدە تۇرعىن ءۇي باعاسى قاتتى وسكەن ەدى (ءبىرىنشى كەزەكتە - جالعا الۋ). نەسيە بەرۋ كولەمى بەرىلگەن نەسيە سانىنىڭ ۇلعايۋىمەن، سونداي-اق ورتاشا جانە مەديانالىق مولشەردىڭ ۇلعايۋىنا بايلانىستى بولدى»، - دەپ اتاپ ءوتتى ب ك ب وكىلى.
2022-جىلدىڭ قورىتىندىسى بويىنشا رەسپۋبليكادا جالپى سوماسى 832,1 ميلليارد تەڭگەگە اۆتونەسيە بەرىلدى. بۇل 2021-جىلمەن سالىستىرعاندا 30,9 پايىزعا (196,4 ميلليارد تەڭگە) ارتىق.
ەڭ كوپ بەرىلگەن كەزى ماۋسىمدا 95,2 ميلليارد تەڭگەگە، 12,4 مىڭعا جەتكەن. بۇل جەڭىلدەتىلگەن نەسيە بەرۋ باعدارلاماسىنا بايلانىستى بولعان. ول بويىنشا ءوتىنىم مامىردا قابىلدانا باستاعان ەدى، ءبىراق ءىس جۇزىندە مامىلەلەردىڭ ەداۋىر بولىگى ماۋسىمدا جابىلعان.
«كولىك باعاسىنىڭ ءوسۋى قارىز كولەمىنىڭ وسۋىنە دە اكەپ سوقتى. ورتاشا كورسەتكىش قاڭتاردا جەلتوقساننان 8,4 ميلليونعا دەيىن ءوستى، مەديانالىق كورسەتكىش 6,0 ميلليوننان 6,8 ميلليون تەڭگەگە دەيىن جەتكەن»، - دەدى ءبىرىنشى كرەديتتىك بيۋرو وكىلى.