اسكەري بورىشىن وتەگەندەر ج و و- لارعا قانداي قۇجاتتار تاپسىرۋى كەرەك

استانا. قازاقپارات – ق ر قورعانىس ءمينيسترىنىڭ كەڭەسشىسى ايگۇل تولەمبايەۆا مەرزىمدى اسكەري قىزمەتىن وتكەرگەن جاستارعا جوعارى وقۋ ورنىنا جەڭىلدەتىلگەن تارتىپپەن ءتۇسۋى ءۇشىن قانداي قۇجاتتاردى تاپسىرۋى كەرەك ەكەنىن ايتتى، دەپ حابارلايدى قازاقپارات ءتىلشىسى.

ايتا كەتەيىك، ق ر قارۋلى كۇشتەرىنىڭ قۇرالىمدارى قاتارىندا مەرزىمدى اسكەري قىزمەتتىن وتكەرگەن ازاماتتار ءۇشىن ج و و- عا ءتۇسۋدىڭ جەڭىلدىكتەرى قاراستىرىلعان.

«بۇل جەڭىلدىكتەردى پايدالانۋ ءۇشىن جاستار ءتيىستى قۇجاتتاردى جوعارى وقۋ ورىندارىنا تاپسىرۋ كەرەك. ونىڭ اراسىندا اسكەري قىزمەتتى وتكەرگەنى تۋرالى انىقتامانى ۇسىنۋ ءتيىس. بۇل قۇجاتتى حالىققا قىزمەت كورسەتۋ ورتالىعىندا الۋعا بولادى»، - دەدى ا. تولەمبايەۆا ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

سونىمەن قاتار، جاستار اسكەري بيلەت پەن جەكە كۋالىكتىڭ، ءبىلىمى تۋرالى قۇجاتتىڭ كوشىرمەسىن، 086 انىقتاماسىن تاپسىرۋى ءتيىس.

بۇدان بۇرىن حابارلانعانداي، قىزمەت اياقتالعاننان كەيىن ۇ ب ت- نى ەسكەرمەستەن ەكى جىل ىشىندە اقىلى نەگىزدە ج و و- عا وقۋعا ءتۇسۋ مۇمكىندىگى بار.

ەكىنشىدەن، جاۋىنگەرلىك دايارلىقتا، جۇكتەلگەن مىندەتتەردى ورىنداۋدا جوعارى ناتيجەلەرگە قول جەتكىزگەن جانە ۇلگىلى اسكەري تارتىبىمەن ەرەكشەلەنگەن اسكەري قىزمەتشىلەرگە ۇ ب ت تاپسىرماي-اق، ج و و ەسەبىنەن وقۋ قۇقىعى بەرىلەدى.

بۇدان وزگە، وقۋ ورنىنىڭ اسكەري كافەدراسىندا ەمتيحانسىز تەگىن وقۋعا بولادى.

اتاپ ايتقاندا، مەرزىمدى اسكەري قىزمەتىن وتەپ شىققاندار قاتارداعى جاۋىنگەر بولادى.

ال ەگەر وفيتسەر شەنىن العىسى كەلسە، ولار اسكەري كافەدرادا ءبىلىم الىپ، لەيتەنانت اتانادى.