دەپۋتاتتىققا كانديداتتارعا قايىرمالدىقتىڭ ەڭ جوعارى مولشەرى جاريالاندى

استانا. قازاقپارات - ق ر ورتالىق سايلاۋ كوميسسياسىنىڭ مۇشەسى ءسابيلا مۇستافينا دەپۋتاتتىققا كانديداتتارعا قايىرمالدىقتىڭ ەڭ جوعارعى مولشەرىن جاريا ەتتى، دەپ حابارلايدى قازاقپارات ءتىلشىسى.

ونىڭ اتاپ وتۋىنشە، ءماجىلىس دەپۋتاتتىعىنا كانديداتتاردى پارتيالىق تىزىممەن ۇسىنعان ساياسي پارتيالار ءۇشىن مەنشىكتى قاراجاتتىڭ جالپى سوماسى 5 مىڭ ەڭ تومەنگى جالاقىدان نەمەسە 350 ميلليون تەڭگەدەن اسپاۋعا ءتيىس. رەسپۋبليكا ازاماتتارى مەن ۇيىمداردىڭ ەرىكتى قايىرمالدىقتارى 10 مىڭ ەڭ تومەنگى جالاقىدان نە 700 ميلليون تەڭگەدەن اسپاۋى كەرەك. جەكە تۇلعالاردىڭ ەرىكتى قايىرمالدىعىنىڭ شەكتى مولشەرى 100 ەڭ تومەنگى جالاقىنى (7 ميلليون تەڭگە)، ال زاڭدى تۇلعالاردان 500 ەڭ تومەنگى جالاقىنى (35 ميلليون تەڭگە) قۇرايدى. سايلاۋ قورىنىڭ جالپى مولشەرى 15 ەڭ تومەنگى جالاقىدان اسپاۋى قاجەت. ول 1 ميلليارد 50 ميلليون تەڭگەنى قۇرايدى.

ماجىلىستە ءبىر مانداتتى اۋماقتىق وكرۋگتەن سايلاناتىن دەپۋتاتتىققا كانديداتتار ءۇشىن ءوزىنىڭ قاراجاتى 200 ەڭ تومەنگى جالاقىدان نەمەسە 14 ميلليون تەڭگەدەن اسپاۋى كەرەك. ازاماتتار مەن ۇيىمداردىڭ ەرىكتى قايىرمالدىعى 500 ەڭ تومەنگى جالاقىدان (35 ميلليون تەڭگە)، جەكە تۇلعاللاردان 25 ەڭ تومەنگى جالاقىدان (1 ميلليون 750 مىڭ تەڭگە)، زاڭدى تۇلعالاردان 50 ەڭ تومەنگى جالاقىدان (3,5 ميلليون تەڭگە) اسپاۋى قاجەت. ال سايلاۋ قورىنىڭ جالپى مولشەرى 700 ەڭ تومەنگى جالاقىدان (49 ميلليون تەڭگە) اسپاۋى شارت.

وبلىستاردىڭ، رەسپۋبليكالىق ماڭىزى بار قالالار مەن استانانىڭ ءماسليحاتتارى دەپۋتاتتارىنا كانديداتتاردى پارتيالىق تىزىممەن ۇسىنعان ساياسي پارتيالار ءۇشىن ساياسي پارتيالاردىڭ مەنشىكتى قاراجاتى 70 ميلليون تەڭگەدەن اسپاۋى ءتيىس. ال رەسپۋبليكا ازاماتتارى مەن ۇيىمداردىڭ ەرىكتى قايىرمالدىعى 140 ميلليون تەڭگەدەن استاۋى قاجەت. سونىمەن قاتار جەكە تۇلعالار، 3,5 ميلليون تەڭگە، زاڭدى تۇلعالار 17,5 ميلليون تەڭگە قايىرمالدىق بەرە الادى. سايلاۋ قورىنىڭ جالپى مولشەرى 210 ميلليون تەڭگەدەن استاۋى كەرەك.

ال ءبىر مانداتتىق وكرۋگ بويىنشا سايلاناتىن وبلىستاردىڭ، رەسپۋبليكالىق ماڭىزى بار قالالار مەن استانانىڭ ءماسليحاتتارى دەپۋتاتتارىنا كانديداتتار ءۇشىن كانديداتتىڭ ءوز قاراجات 7 ميلليون تەڭگەدەن، ازاماتتار مەن ۇيىمداردىڭ ەرىكتى قايىرمالدىعى 147 ميلليون تەڭگەدەن، جەكە تۇلعالاردىڭ قايىرمالدىعى 700 مىڭ تەڭگەدەن، زاڭدى تۇلعالاردىڭ قايىرمالدىعى 1 ميلليون 750 مىڭ تەڭگەدەن اسپاۋى ءتيىس. سايلاۋ قورىنىڭ جالپى مولشەرىن 21 ميلليون تەڭگەدەن اسىرۋعا بولمايدى.

ءبىر مانداتتى وكرۋگتەردەن سايلاناتىن اۋداندار مەن قالالاردىڭ ءماسليحات دەپۋتاتتارىنا كانديداتتار ءۇشىن كانديداتتىڭ ءوز قاراجاتى 3,5 ميلليون تەڭگەدەن اسپاۋى كەرەك. ازاماتتار مەن ۇيىمداردىڭ ەرىكتى قايىرمالدىعى 7 ميلليون تەڭگەدەن، جەكە تۇلعالاردىڭ ەرىكتى قايىرمالدىعى 350 مىڭ تەڭگەدەن، زاڭدى تۇلعالاردان 1 ميلليون 50 مىڭ تەڭگەدەن اسپايدى. سايلاۋ قورىنىڭ جالپى مولشەرى 10,5 ميلليون تەڭگەنى قۇرايدى.

«مەملەكەتتىك ورگاندار مەن ۇيىمداردىڭ، جەرگىلىكتى ءوزىن ءوزى باسقارۋ ورگاندارىنىڭ جارعىلىق كاپيتالىندا شەتەلدىك قاتىسۋشى بار قايىرىمدىلىق ۇيىمداردىڭ، ءدىني بىرلەستىكتەردىڭ، قازاقستاندىق زاڭدى تۇلعالاردىڭ ەرىكتى قايىرمالدىعىنا، سونىمەن قاتار جەكە جانە زاڭدى تۇلعالاردىڭ جاسىرىن قايىرمالدىعىنا تىيىم سالىنادى»، - دەدى ءسابيلا مۇستافينا.