اسىراندى بالالاردى نەلىكتەن كەرى قايتارىپ جاتادى
«اسىراپ العان بالالاردى قايتارۋ فاكتىلەرى بار. ءبىراق، كوپ جاعدايدا ەمەس جانە ونىڭ سەبەپتەرى وبەكتيۆتى. مىسالى، اسىراپ الۋشىنىڭ نەمەسە بالانىڭ دەنساۋلىق جاعدايىنا بايلانىستى بولۋى مۇمكىن. سونىمەن قاتار اسىراپ الۋشىنىڭ ماتەريالدىق جاعدايىنا دا قاتىستى بولىپ جاتادى. وسى سەكىلدى باسقا دا وبەكتيۆتى سەبەپتەر بار. ەرەكشە بالالاردى دا اسىراۋعا الىپ جاتادى. ولاردىڭ دياگنوزى ءارتۇرلى. سوندىقتان تەك قانا ساۋ بالالاردى اسىراپ الادى دەگەن قاتە پىكىر»، - دەدى وقۋ- اعارتۋ مينيسترلىگىنىڭ بالالار قۇقىعىن قورعاۋ كوميتەتىنىڭ باس ساراپشىسى جاننا سارسەنبايەۆا ب ا ق وكىلدەرىنىڭ ساۋالىنا جاۋاپ بەرە تۇرىپ.
ونىڭ ايتۋىنشا، اسىراپ الۋشى جىلىنا ەكى رەت بالانىڭ ءومىر ءسۇرۋ جاعدايى بويىنشا ەسەپ بەرەدى.
«ودان بولەك، ورتالىق ماماندارى بالا اسىراپ العان وتباسىلارعا بارىپ تۇرادى. ماقسات - بالانىڭ جەكە باسى مەن ءومىر ءسۇرۋ جاعدايىن باقىلاۋ. ارينە، ماماندار الدىمەن باراتىندىعى تۋرالى ەسكەرتەدى. ياعني، بىرەۋدىڭ ۇيىنە باسا- كوپتەپ كىرىپ بارمايدى»، - دەيدى ساراپشى.
ەلىمىزدە بالالار ۇيلەرىنىڭ اتاۋى مەن قىزمەتى وزگەرىپ جاتقاندىعى تۋرالى حابارلاعان بولاتىنبىز.
سونداي- اق، قازاقستاندا جەتىم بالالاردىڭ %80 وتباسىندا تاربيە الىپ جاتقاندىعى ايتىلدى. بۇگىندە ەلىمىزدە 20 مىڭنان استام جەتىم بالا بار ەكەن.
ايتا كەتەيىك، بۇگىن استانادا ەلىمىزدەگى بالالار ۇيلەرى قىزمەتىن ترانسفورماتسيالاۋ ماسەلەلەرىنە ارنالعان جيىن ءوتتى.
شاراعا قۇزىرلى ورگاندار وكىلدەرى مەن بالالار ۇيلەرى باسشىلارى قاتىستى.