مەزگىلسىز ومىردەن وزعان گۇلميرا كارىموۆانىڭ ورنىنا جاڭا سەناتور سايلاۋ قاشان وتەدى
سونىمەن قاتار ونىڭ ورنىنا جاڭادان سەناتور سايلاۋ ءراسىمى قالاي وتەتىندىگىن ءتۇسىندىردى، دەپ حابارلايدى قازاقپارات ءتىلشىسى.
«قازا بولۋىنا بايلانىستى سەنات دەپۋتاتىنىڭ وكىلەتتىگى توقتاعاننان كەيىن ورتالىق سايلاۋ كوميسسياسى 2 ايدىڭ ىشىندە شىعىپ قالعان دەپۋتاتتىڭ ورنىنا وڭىردە سايلاۋ وتكىزۋى ءتيىس. ءماسليحاتتىڭ تاراتىلىپ، تاڭداۋشىلاردىڭ بولماۋىنا بايلانىستى سايلاۋدىڭ ءوزىن تاعايىنداۋ ءماسليحاتتاردىڭ جاڭا قۇرامى سايلانعاننان كەيىن عانا مۇمكىن بولادى. ياعني، 19-ناۋرىزدان كەيىن عانا. بۇل 2 ايدىڭ ىشىندە سايلاۋدىڭ تاعايىندالۋى قاجەتتىگى تۋرالى زاڭ نورماسىنا قايشى كەلمەيدى»، - دەدى كونستانتين پەتروۆ بۇگىن و س ك وتىرىسىنان كەيىن ب ا ق وكىلدەرىنىڭ ساۋالىنا وراي.
ەستەرىڭىزگە سالا كەتسەك، بۇگىن تۇندە جاڭادان سايلانعان سەناتور گۇلميرا كارىموۆا 46 جاسقا قاراعان شاعىندا كەنەتتەن قايتىس بولدى. وعان الدىن الا «انافيلاكسيالىق شوك» دەگەن دياگنوز قويىلعان.