ەلىمىزدە ستوماتولوگيالىق قىزمەت كورسەتۋگە وزگەرىس ەنگىزىلدى
بۇرىن شارت ەمحانالار ارقىلى جاسالىپ كەلگەن ەدى. بۇل تۋرالى قازاقپارات قورعا سىلتەمە جاساپ حابارلايدى.
استانا قالاسى بويىنشا قورمەن كەلىسىمشارتقا وتىرعان 58 مەديتسينا ۇيىمى ستوماتولوگيالىق كومەك كورسەتەدى، ونىڭ 15 ى - مەملەكەتتىك، قالعانى - جەكەمەنشىك كلينيكالار.
بيىل م ءا م س ەسەبىنەن ستوماتولوگيالىق قىزمەت كورسەتۋدە نە وزگەردى؟
ستوماتولوگيالىق كومەك كورسەتۋ پروتسەسىندە ەش وزگەرىس جوق، پاتسيەنتتەر بۇرىنعىداي مەديتسينالىق كومەك الادى. تەك كەلىسىمشارتقا وتىرۋ ءادىسى ياعني شارت جاساسۋ جاعى وزگەردى. بۇعان دەيىن ستوماتولوگيالىق كلينيكالار ءوزارا شارتقا وتىرۋ ارقىلى قوسالقى مەردىگەر رەتىندە مەديتسينالىق قىزمەت كورسەتسە، 1-قاڭتاردان باستاپ قور كورسەتىلگەن قىزمەتتەر كولەمىن باقىلاپ، ساپاسىنا مونيتورينگ جاساۋ ءۇشىن تىكەلەي وسى كلينيكالارمەن شارتقا وتىردى. دەمەك ەندى ستوماتولوگيالىق كلينيكالار وزدەرىنىڭ قانشا قىزمەت كورسەتكەنىن جانە قورمەن كەلىسىمشارت بويىنشا قانشا قىزمەت كورسەتەتىنىن ءوز بەتىنشە قاداعالاپ وتىرۋ كەرەك. بۇرىن بۇنىمەن ارتىلعان جۇكتەمەگە قاراماستان پاتسيەنتتىڭ تىركەلگەن ەمحاناسى اينالىسىپ كەلدى. سالدارىنان پاتسيەنت الماعان مەديتسينالىق قىزمەتتى الدى دەپ جازاتىن جاعدايلار كەزدەسەدى. قور ساراپشىلارى بۇنى مونيتورينگ جاساعان كەزدە مەديتسينالىق قۇجاتتاردان انىقتادى.
قازىرگى ۋاقىتتا ستوماتولوگيالىق كومەكتى كىمدەر الا الادى؟
م ءا م س جۇيەسىندەگى نەمەسە ت م ك ك ك شەڭبەرىندەگى ستوماتولوگيالىق قىزمەتتەر بارلىعىنا ەمەس، حالىقتىڭ جەكەلەگەن الەۋمەتتىك وسال ساناتتارىنا عانا قولجەتىمدى. مىسالى، جوسپارلى ستوماتولوگيالىق كومەكتى تەك بالالار مەن جۇكتى ايەلدەر عانا الا الادى. قاتتى اۋىرسىنۋ كەزىندە ازاماتتاردىڭ 10 ساناتى، ونىڭ ىشىندە بالالار مەن جۇكتى ايەلدەر، زەينەتكەرلەر، مۇگەدەكتىگى بار ادامدار جانە ولارعا كۇتىم جاسايتىن جۇمىس ىستەمەيتىن ادامدار، ونىڭ ىشىندە مۇگەدەكتىگى بار نەمەسە ءبىرىنشى توپتاعى مۇگەدەكتىگى بار بالالار، الەۋمەتتىك ماڭىزى بار جانە جۇقپالى اۋرۋلارى بار پاتسيەنتتەر، كوپ بالالى انالار، اتاۋلى الەۋمەتتىك كومەك الۋشىلار جانە باسقالار شۇعىل كومەك الا الادى.
ستوماتولوگيالىق قىزمەتتەردى الۋ كەزىندە بەلگىلى ءبىر مەديتسينالىق ۇيىمعا تىركەۋدە بولۋى ماڭىزدى ما جانە ستوماتولوگيالىق كلينيكالار «ءوز» ەمحانالارىنا تىركەلۋدى تالاپ ەتە الا ما؟
جوق، تالاپ ەتە المايدى. قازىر ءبىز الەۋمەتتىك جەلىلەردە ستوماتولوگيالىق كلينيكالاردىڭ حابارلامالارىن كورىپ وتىرمىز. ولاردىڭ ايتۋىنشا، قور قارجىلاندىرۋدى قىسقارتىپ، قىزمەتتەر شەكتەۋلى مولشەردە نەمەسە ستوماتولوگيالىق كلينيكادا تەك بەلگىلى ءبىر ەمحاناعا تىركەلگەن ازاماتتاردىڭ ساناتىنا عانا كورسەتىلەتىن بولادى. ايتپەسە اقىلى نەگىزدە كومەك الۋ ۇسىنىلادى. بۇل اقپارات شىندىققا جاناسپايتىنىن ايتۋ كەرەك.
بىزگە وسى ماسەلە بويىنشا كوپتەگەن شاعىمدار ءتۇستى. قور ولاردى قاراپ، پاتسيەنتتەردىڭ قۇقىعىن قورعاۋ بويىنشا ءتيىستى شارالار قابىلدايدى.
ستوماتولوگيالىق قىزمەت كورسەتۋ ءۇشىن ەمحانادان جولداما الۋ كەرەك پە؟
ەمحانادان جولداما كەرەك ەمەس. ەڭ باستىسى، پاتسيەنت م ءا م س نەمەسە ت م ك ك ك اياسىندا ستوماتولوگيالىق كومەك كورسەتىلەتىن ساناتتاردىڭ بىرىنە جاتۋى جانە مەديتسينالىق كورسەتكىشتەرى بولۋى ءتيىس.
م ءا م س ەسەبىنەن ستوماتولوگيالىق كومەك الۋ ءۇشىن ساقتاندىرۋ مارتەبەسى قاجەت پە؟
مۇندا دا باسقا مەديتسينالىق قىزمەتتەردەگىدەي قاعيداتپەن جۇمىس ىستەيدى. ەگەر مەديتسينالىق قىزمەت م ءا م س جۇيەسىندە كورسەتىلەتىن قىزمەتتەر تىزىمىنە كىرسە، مىسالى، جوسپارلى مەديتسينالىق كومەك الۋ ءۇشىن، ساقتاندىرۋ مارتەبەسى مىندەتتى تۇردە كەرەك. ەگەر قىزمەت ت م ك ك ك تىزىمىندە بولسا، مىسالى، قاتتى اۋىرسىنۋ بولسا، وندا مارتەبە قاجەت ەمەس جانە مەديتسينالىق قىزمەت تەگىن كورسەتىلەدى. پاتسيەنتتەر بارلىق مەديتسينالىق قىزمەت تۇرلەرىن تەك مەديتسينالىق كورسەتكىشتەر بويىنشا عانا الا الادى.
جوسپارلى ستوماتولوگيالىق كومەك الۋشىلار - بالالار مەن جۇكتى ايەلدەر. بالالار - مەملەكەت جارنا تولەيتىن ازاماتتاردىڭ ءبىرىنشى جەڭىلدىك ساناتى. سونىمەن بىرگە جۇمىس ىستەمەيتىن جۇكتى ايەلدەر دە جەڭىلدىك ساناتىنا كىرەدى.
م ءا م س ەسەبىنەن قانداي ستوماتولوگيالىق قىزمەتتەر كورسەتىلەدى؟
نەگىزى كورسەتىلەتىن مەديتسينالىق قىزمەتتەر تىزبەسى اۋقىمدى. كاسىبي تىلمەن ايتقاندا، ستوماتولوگيالىق كلينيكالار امبۋلاتوريالىق دەڭگەيدە كونسۋلتاتسيالىق- دياگنوستيكالىق قىزمەتتەر مەن مانيپۋلياتسيالار ۇسىنادى. مۇندا پلومبالاۋ، ءتىستى جۇلۋ جانە جانسىزداندىرۋ قىزمەتتەرىن الۋعا بولادى.
سونداي-اق م ءا م س جۇيەسىندە جاق- بەت ايماعىنىڭ تۋا بىتكەن پاتولوگياسى بار بالالارعا امبۋلاتوريالىق دەڭگەيدە ورتودونتيالىق پلاستينا ورناتىلادى.
ستوماتولوگيالىق كلينيكانى ءوزى تاڭداۋعا بولا ما؟
ءيا، بولادى. تەك الدىمەن، ول كلينيكا الەۋمەتتىك مەديتسينالىق ساقتاندىرۋ قورىنىڭ جەتكىزۋشىسى مە، سونى تىزىمنەن انىقتاپ العان ءجون. جەتكىزۋشىلەردىڭ ءتىزىمىن fms.kz رەسمي سايتىنان كورۋگە بولادى نەمەسە كلينيكانىڭ وزىنەن سۇراۋ كەرەك.
قازىر ەمحانالاردا ستوماتولوگيالىق كومەك قاراستىرىلعان با، وعان كىمدەر جۇگىنە الادى؟
ءتيىستى جابدىقتارى مەن ماماندارى بار ەمحانالاردا ستوماتولوگيالىق كومەك الۋعا بولادى. مۇندا تەك وسى ەمحاناعا تىركەلگەن ازاماتتار عانا ەمەس، باسقا جەردە تىركەلگەن ازاماتتار دا كومەك الا الادى. ول ءۇشىن تىركەۋ ءبولىمى ارقىلى قابىلداۋعا جازىلۋ كەرەك.
ەگەر پاتسيەنتكە م ءا م س ەسەبىنەن ستوماتولوگيالىق قىزمەت كورسەتۋدەن باس تارتسا نەمەسە تولىق كولەمدە مەديتسينالىق كومەك كورسەتىلمەسە نە ىستەۋ كەرەك؟
بۇل جاعدايدا وسى كلينيكانىڭ پاتسيەنتتەردى قولداۋ قىزمەتىنە حابارلاسۋ كەرەك نەمەسە Qoldau 24/7 موبيلدى قوسىمشاسى، نەمەسە 1406 ءنومىرى ارقىلى مەديتسينالىق ساقتاندىرۋ قورىنا حابارلاسۋ كەرەك.