قازاقستاندا عارىش اپپاراتتارىن قۇراستىرۋ-سىناۋ كەشەنى ىسكە قوسىلادى
26 قاڭتار, 21:51

قازاقستاندا عارىش اپپاراتتارىن قۇراستىرۋ-سىناۋ كەشەنى ىسكە قوسىلادى

استانا. قازاقپارات - «قازاقستان عارىش ساپارى» ۇ ك» ا ق ءتوراعاسى ايدىن ايىمبەتوۆ ۇيىمنىڭ سوڭعى جىلدارداعى جەتىستىكتەرىن ايتىپ بەردى، دەپ حابارلايدى قازاقپارات ءتىلشىسى.

«ۇلتتىق كومپانيا عارىش سالاسىندا 17 جىلدان بەرى تابىستى جۇمىس ىستەپ كەلەدى جانە جەردى قاشىقتان زوندتاۋدىڭ جانە جوعارى دالدىكتەگى سپۋتنيكتىك ناۆيگاتسيا جۇيەسىنىڭ ۇلتتىق وپەراتورى بولىپ سانالادى. جەردى قاشىقتان زوندتاۋدىڭ عارىشتىق جۇيەسى قۇرىلدى جانە ءساتتى پايدالانىلىپ جاتىر. ۇلتتىق عارىش ورتالىعى بازاسىندا جەردەگى عارىشتىق ينفراقۇرىلىم قۇرىلدى، ونىڭ اۋماعىنداعى باسقارۋ ورتالىقتارىنان ءۇش عارىش اپپاراتىن (KazEOSat1؛ KazEOSat2؛ KazSTSat) باسقارادى جانە تۇسىرىلىمدەردى جوسپارلاۋ جانە كليەنتتەردىڭ تاپسىرىستارى وڭدەلەدى»، - دەدى ايدىن ايىمبەتوۆ سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ كەڭەيتىلگەن القا وتىرىسىندا.

ونىڭ ايتۋىنشا، ۇيىم قازاقستان رەسپۋبليكاسىنىڭ اۋماعىن قاشىقتان زوندتاۋ ارقىلى تاۋلىك بويى مونيتورينگ جۇرگىزەدى. قازاقستان رەسپۋبليكاسىنىڭ مەملەكەتتىك ورگاندارى ءۇشىن گەوپورتالدار قۇرىلعان جانە پايدالانۋعا بەرىلگەن.

سونداي-اق، جاقىن ارادا عارىش اپپاراتتارىن قۇراستىرۋ-سىناۋ كەشەنى ونەركاسىپتىك پايدالانۋعا بەرىلەدى.

ايتا كەتەيىك، ەلوردادا سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ كەڭەيتىلگەن القا وتىرىسى ءوتتى، وندا مينيسترلىك جەتەكشىلىك ەتەتىن باعىتتارداعى جۇمىستىڭ قورىتىندىلارى مەن باسىمدىقتارى تالقىلاندى.

جاڭالىقتار