جەكە مۇلىكتى قايتا تىركەۋ س م س حات ارقىلى رەتتەلەدى - باعدات مۋسين

استانا. قازاقپارات – ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين جەكە مۇلىكتى ونلاين تىركەۋ سالاسىنداعى وزگەرىستەردى باياندادى، دەپ حابارلايدى قازاقپارات ءتىلشىسى.

«بۇرىن ءبىز ءۇشىن جىلجىمايتىن مۇلىكتى تىركەۋ - باستى ماقسات ەدى. مۇندا ءوزىڭىز بىلەتىندەي جاقسى ناتيجەلەر بار. ياعني، كەلىسىمشارتتى جانە جەكە مۇلىكتى تىركەۋ - ءبارى ونلاين. ءبىراق كەيىن ازامات كوشۋ تىرلىگىنە وتكەندە، اسىرەسە كوممۋنالدىق كاسىپورىندارمەن قارىم- قاتىناستا ءبىرقاتار قيىندىققا ۇشىرايدى ەكەن. مىسالى، كوممۋنالدىق شوتتار بۇرىنعى ءۇي يەسىنىڭ اتىنا كەلەدى. وسى باعىتتا ءتيىستى جۇمىس جۇرگىزدىك»، - دەدى باعدات مۋسين مينيسترلىكتىڭ كەڭەيتىلگەن القا وتىرىسىندا.

ءمينيستردىڭ ايتۋىنشا، قازىر بۇل پروتسەسس ەلەكتروندى تۇردە، SMS ارقىلى رەتكە كەلتىرىلەدى.

«مىسالى، الماتى، جەتىسۋ، قىزىلوردا، ماڭعىستاۋ، باتىس قازاقستان جانە تۇركىستان وبلىستارىندا كوممۋنالدى تولەم شوتىن ونلاين وزگەرتۋگە، ونلاين كەلىسىم بەكىتۋگە بولادى. كەپىل شارتتاردى تىركەۋدى ح ق و، بانك پەن نوتاريۋسقا بارماي- اق، ۇسىنۋ مەرزىمىن 3 كۇننەن 15 مينۋتقا دەيىن قىسقارتتىق. سونداي- اق، ازاماتتار ءۇشىن قۇرىلىس كومپانيالارىنان تىكەلەي جىلجىمايتىن مۇلىكتى ونلاين ساتىپ الۋ مۇمكىندىگىن قاراستىردىق. وتكەن جىلى ارنايى پلاتفورمادا 8 مىڭنان استام ساتىپ الۋ شارتى راسىمدەلدى»، - دەدى باعدات مۋسين.

بۇعان دەيىن سيفرلىق دامۋ ءمينيسترى بوسانعانعا دەيىنگى جاردەماقىنى الۋ مەرزىمى 15 كۇننەن ءبىر ساعاتقا قىسقارعانىن ايتقان ەدى.