ءسابيدى حيدجاما ادىسىمەن ەمدەۋ دەرەگى تەكسەرىلەدى - مينيستر

استانا. قازاقپارات – ق ر دەنساۋلىق ساقتاۋ ءمينيسترى اجار عينيات ءسابيدى حيدجاما تاسىلىمەن (اعزادان قان شىعارۋ) ەمدەۋ ماسەلەسىنە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

بۇگىن سەناتتىڭ جالپى وتىرىسىنان كەيىن تىلشىلەر مينيستردەن الەۋمەتتىك جەلىدە تاراعان ۆيدەوعا قاتىستى سۇراق قويدى.

«اتىراۋدا نارەستەنى حيدجاما ءتاسىلى ارقىلى ەمدەپ جاتقانىن ۆيدەودان كورۋگە بولادى. بۇل قانشالىقتى دۇرىس؟» ، - دەپ سۇرادى ءتىلشى.

«بۇگىندە ادامدار ءداستۇرلى ەمەس مەديتسينامەن اينالىسىپ ءجۇر. قالاي بولعاندا دا ولار مەديتسينالىق كومەك كورسەتسە، ءتيىستى ليتسەنزيانى الۋى كەرەك. قازىرگى كەزدە ليتسەنزيالاناتىن مەديتسينالىق قىزمەتكە حيدجاما جاتپايدى. سوندىقتان كوميتەت (مەديتسينالىق- فارماتسيەۆتيكالىق باقىلاۋ) بۇل دەرەكتى قاراپ، تەكسەرۋ جۇرگىزەدى. الداعى ۋاقىتتا وسى ماسەلەلەردى قاراستىراتىن بولامىز»، - دەدى ا. عينيات.

بۇدان بۇرىن ق ر پارلامەنتى ماجىلىسىندە ءداستۇرلى ەمەس مەديتسينا نارىعىن تارتىپكە كەلتىرۋ قاجەت ەكەنىن ايتقان ەدى.