08:04, 26 - قاڭتار 2023 | GMT +6
انتيكور شىنايى قىلمىستىق ىستەرگە نەگىزدەلگەن سەريال ءتۇسىردى
استانا. قازاقپارات - سىبايلاس جەمقورلىققا قارسى ءىس- قيمىل اگەنتتىگى شىنايى قىلمىستىق ىستەرگە نەگىزدەلگەن شاعىن سەريال ءتۇسىردى، دەپ حابارلايدى قازاقپارات.
«QANA» شاعىن سەريالى - انتيكوردىڭ جوباسى. سيۋجەتى شىنايى قىلمىستىق ىستەرگە نەگىزدەلگەن. جانرى - دەتەكتيۆ، دراما.
فيلمدە نەگىزگى كەيىپكەر مەن ونىڭ سەرىكتەسى سىبايلاس جەمقورلىق ىستەرىن اشۋمەن اينالىسادى. ءىستىڭ ەگجەي- تەگجەيىنە ءۇڭىلۋ كەزىندە ولار وزدەرىنىڭ وتكەن ءومىرىن ەسكە الادى.
«ارىپتەستەردىڭ ماقساتى ءبىر، ءبىراق تەرگەۋدى سوڭىنا دەيىن جەتكىزۋدە ءارقايسىسىنىڭ وزىندىك سەبەبى بار. اركىمنىڭ ءوز ءادىسى مەن جەكە شىندىعى بار»، - دەلىنگەن باسپا ءسوز بايانىندا.
ءبىرىنشى سەريانىڭ پرەمەراسى ەرتەڭ، 26- قاڭتار كۇنى ساعات 19:30-دا سىبايلاس جەمقورلىققا قارسى ءىس- قيمىل اگەنتتىگىنىڭ YouTube-كانالىندا بولادى.
رەداكتور
گۇلميرا الياكپاروۆا