جۋرناليستەرگە جاۋاپ بەرمەيتىن مەملەكەتتىك قىزمەتشىلەر جاۋاپقا تارتىلادى - مينيستر

استانا. قازاقپارات - جۋرناليستەرگە جاۋاپ بەرمەيتىن مەملەكەتتىك قىزمەتشىلەر جاۋاپكەرشىلىككە تارتىلادى.

بۇل تۋرالى وڭىرلىك مەرزىمدى باسىلىمدار فورۋمىندا اقپارات جانە قوعامدىق دامۋ ءمينيسترى دارحان ءقىدىرالى ايتتى، دەپ حابارلايدى قازاقپارات ءتىلشىسى.

«ەندى جۋرناليستىڭ ساۋالىنا مىندەتتى تۇردە جاۋاپ بەرىلەدى. جاۋاپ بەرۋ مەرزىمى قىسقارادى. قازىر 7 كۇن بولسا، ەندى ول 3-5 كۇن بولىپ قىسقارادى. سونىمەن قاتار، جاۋاپ بەرمەيتىن مەملەكەتتىك قىزمەتشىلەر جاۋاپكەرشىلىككە تارتىلادى. مۇنىڭ بارلىعى جۋرناليستىڭ اقپاراتقا قولجەتىمدىلىگىن ارتتىرۋ ماقساتىندا جاسالىپ وتىر»، - دەپ ءمالىم ەتتى دارحان قىدىرالى.

سونىمەن قوسا، مينيستر «ماسس مەديا تۋرالى» ق ر زاڭ جوباسى اياسىندا جۋرناليستەردىڭ الەۋمەتتىك جاعدايىن جاقسارتۋ جوسپارلانىپ وتىرعانىن اتاپ ءوتتى.

«قازىر زاڭ جوباسى قارالىپ جاتىر. وندا جۋرناليستەردىڭ جەڭىلدىكپەن پاتەر الۋى، اۋرۋحانالاردا جەڭىلدىكتەر پايدالانۋى تۋرالى نورمالار بار. ەڭ قاراپايىمى - «Pressa» دەگەن جازۋى بار كولىكتى كەز- كەلگەن جەرگە قويۋ نەمەسە مەكەمەلەرگە كىرۋ سياقتى كوپتەگەن جەڭىلدىكتەردى قاراستىرىپ وتىرمىز»، - دەپ ءبولىستى مينيستر.