بەس ساۋساق بىردەي ەمەس - التاي كولگىنوۆ جۋرناليستەرگە دورەكى سويلەيتىن مەملەكەتتىك قىزمەتشىلەر جايلى
«قازىر مەملەكەتتىك قىزمەتشىگە دەگەن سىن كوپ. مەملەكەتتىك قىزمەتشىنىڭ جاۋاپكەرشىلىگى دە كوپ. ول جەردە دە بەس ساۋساق بىردەي ەمەس. دەگەنمەن جۋرناليستەر تاراپىنان تۇسەتىن ساۋالدارعا دەرەۋ جاۋاپ بەرۋ دەگەن بار. اسىرەسە، قوعامدى مازالايتىن سۇراقتار بولىپ تۇرعان كەزدە، العى شەپتە جالعان اقپارات ەمەس، شىنايى مەملەكەتتىك كوزقاراس حالىققا دەر كەزىندە جەتكىزىلۋى ءتيىس. ال ەتيكاعا كەلەتىن بولساق، ول بارىندە بولۋى كەرەك. ونىڭ ىشىندە، جۋرناليستەردىڭ دە ەتيكاسى بولۋى ءتيىس. قازىرگى اقپاراتتىق كەڭىستىككە بايلانىستى ءبىز مەمەلەكەتتىك قىزمەتشىلەردى كوبىرەك وقىتۋىمىز كەرەك شىعار. سەبەبى ولاردىڭ بارلىعى ب ا ق- قا كۇندەلىكتى سۇحبات بەرە بەرمەيدى»، - دەپ پىكىر ءبىلدىردى التاي كولگىنوۆ.
قوسا كەتەيىك، بۇعان دەيىن ۆيتسە-پرەمەر حالىقتى جالعان اقپاراتتان قورعاۋ ءۇشىن جۇيەلى جۇمىس اتقارىلۋى ءتيىس ەكەندىگىن مالىمدەپ، مينيسترلىككە تاپسىرما بەرگەن ەدى.