قازاقستاننان بەنزين مەن ديزەل وتىنىن كولىكپەن اكەتۋگە تىيىم سالىنباق

None
Ашық көздерден алынған фото
استانا. قازاقپارات - ەلىمىزدەن كولىكپەن بەنزين، ديزەل وتىنى مەن مۇناي ونىمدەرىنىڭ جەكەلەگەن تۇرلەرىن شىعارۋعا تىيىم سالىنۋى مۇمكىن.

بۇل تۋرالى ەنەرگەتيكا مينيسترلىگى اشىق تالقىعا شىعارعان بۇيرىقتا جازىلعان، دەپ حابارلايدى قازاقپارات ءتىلشىسى.

«قازاقستان رەسپۋبليكاسىنىڭ اۋماعىنان كولىكتىڭ بارلىق تۇرلەرىمەن عىلىمي-زەرتتەۋ جۇمىستارىنا ارنالعان اۆياتسيالىق جانارمايدى، اۆتوكولىكتەردى ءوندىرۋشى ۇسىنعان گاز تسيستەرنالارىندا ەكسپورتتاۋدى قوسپاعاندا، بەنزين، ديزەل وتىنى جانە مۇناي ونىمدەرىنىڭ جەكەلەگەن تۇرلەرىن اكەتۋگە 4 اي مەرزىمگە تىيىم سالىنسىن»، - دەلىنگەن قۇجاتتا.

بۇيرىق 31- قاڭتارعا دەيىن كوپشىلىك تالقىلاۋىندا بولادى.

ەسكە سالا كەتەيىك، بۇعان دەيىن بەنزيندى قازاقستان اۋماعىنان شىعارۋعا سالىنعان تىيىم تاعى 6 ايعا ۇزارتىلاتىنىن مالىمدەگەن ەدىك.

سوڭعى جاڭالىقتار