ديماش قىتايدىڭ تەلەارناسىنداعى جاڭاجىلدىق فەستيۆالگە قاتىستى

استانا. قازاقپارات - ديماش قۇدايبەرگەن قىتايدىڭ CCTV ورتالىق تەلەارناسىندا وتكەن «Spring gala festival 2023» ەفيرىنە قاتىستى، دەپ حابارلايدى قازاقپارات.

«كوكتەم گالا فەستيۆالى 2023» قىتاي جاڭا جىل مەرەكەسىنە ارنالعان.

ديماش قۇدايبەرگەن CCTV تەلەارناسىنداعى اتالمىش فەستيۆالگە ۇلى جىبەك جولى بويىنداعى ەلدىڭ وكىلى رەتىندە قاتىسقان.

«گۇلدەر مەن جولدار ءانى» نومەرىن ءتۇرلى ەلدەر انشىلەرى بىرلەسىپ ورىندادى. نومەر بارىسىندا قازاق، گرەكيا، يندونەزيا، سەربيا، مىسىر، پاكىستان، جاڭازەلانديا، تانزانيا، ارگەنتينا اندەرىنەن ءۇزىندى شىرقالدى. پوپۋرريدى ديماش «وي، جايلاۋ» حالىق انىمەن تۇيىندەدى. سوڭىندا ارتىستەر قىتايدىڭ باستى جاڭاجىلدىق ءانى «جاسمينەن» فراگمەنتتى بىرگە ورىندادى.