بيىل تاريحي تۇلعالاردىڭ مەرەيتويىنا ارنالعان جوبا جۇزەگە اسىرىلادى

استانا. قازاقپارات - تاريحي تۇلعالاردىڭ رۋحاني مۇراسىن ناسيحاتتاپ، قايراتكەرلەردىڭ مەرەيتويىن اتاپ ءوتۋ ءۇشىن «تاعىلىمعا تولى عاسىر» ارنايى جوباسى ۇسىنىلادى.

بۇل تۋرالى مادەنيەت جانە سپورت ءمينيسترى اسحات ورالوۆ ۆەدومستۆونىڭ كەڭەيتىلگەن القا وتىرىسىندا ايتتى، دەپ حابارلايدى قازاقپارات ءتىلشىسى.

«ۇلت رۋحانياتىن جاڭعىرتۋدا ۇرپاقتار ساباقتاستىعى وتە ماڭىزى. بۇل ورايدا ءبىز قازاق مادەنيەتىنىڭ ءوسىپ- وركەندەۋىنە ولشەۋسىز ۇلەس قوسقان قايراتكەرلەردىڭ ەسىمىن ەل ەسىندە قالدىرۋىمىز قاجەت ەكەنى ءسوزسىز. سوندىقتان بيىل ونەرىمىز بەن مادەنيەتىمىزگە قالتقىسىز قىزمەت ەتكەن بىرنەشە تۇلعامىزدىڭ عاسىرلىق مەرەيتويىن ەسكەرە وتىرىپ، «تاعىلىمعا تولى عاسىر» اتتى ارنايى جوبانى ۇسىنامىز. ونىڭ اياسىندا ءبىرتۋار قايراتكەرلەرىمىزدىڭ رۋحاني مۇراسىن دارىپتەپ، ناسيحاتتاۋىمىز كەرەك. بۇل قالىڭ كوپشىلىكتىڭ مادەني يگىلىگىنە جارايتىن ىزگى جوباعا اينالادى دەپ سەنەمىن»، - دەپ ۇسىنىس ءبىلدىردى اسحات ورالوۆ.

اۆتور

ءاليحان اسقار