قازاقستان قىرىم بويىنشا ب ۇ ۇ قارارىن نەگە قولدامادى؟
ونىڭ ايتۋىنشا، قىرىمدا ادام قۇقىقتارىن ساقتاۋ ماسەلەسىن ب ۇ ۇ- نىڭ ادام قۇقىقتارى جونىندەگى كەڭەسى شەشۋى ءتيىس، دەپ حابارلايدى «حابار 24».
بۇل - قازاقستاننىڭ قاعيداتتىق ۇستانىمى. 2016 -جىلدان بەرى قازاقستان تاراپى اتالعان قارار بويىنشا وسى ۇستانىمنان تايعان ەمەس، دەپ اتاپ ءوتتى رەسمي وكىل.
ەستەرىڭىزگە سالا كەتەيىن، ب ۇ ۇ- نىڭ قىرىم مەن سيەۆاستوپولدەگى ادام قۇقىقتارىنىڭ بۇزىلۋى تۋرالى رەسەي فەدەراتسياسىنىڭ ارەكەتتەرىن ايىپتايتىن قارارى 15- جەلتوقساندا قابىلداندى. وعان 14 ەل «قارسى» داۋىس بەردى، ونىڭ ىشىندە رەسەي مەن قازاقستان دا بار.
ايبەك سمادياروۆ، ق ر سىرتقى ىستەر مينيسترلىگىنىڭ رەسمي وكىلى:
- قازاقستان ب ۇ ۇ جارعىسىنا سايكەس ۋكرايناداعى قاقتىعىستى بەيبىت جولمەن شەشۋدى جاقتايدى. سونىمەن قاتار، ءبىز ۋكراينانىڭ ەگەمەندىگى مەن اۋماقتىق تۇتاستىعىن جاقتايمىز. ءبىزدىڭ ۇستانىمىمىز: بۇل ماسەلە، قىرىم اۆتونوميالىق رەسپۋبليكاسى مەن سيەۆاستوپول قالاسىنداعى ادام قۇقىقتارى سالاسىنداعى جاعداي ب ۇ ۇ- نىڭ ارنايى ورگانىندا، اتاپ ايتقاندا ب ۇ ۇ- نىڭ ادام قۇقىقتارى جونىندەگى كەڭەسىندە قارالۋى كەرەك.