مۇعالىمدەردىڭ جالاقىسى قاڭتاردا تاعى دا وسەدى
بۇل جايىندا ق ر وقۋ-اعارتۋ ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.
«پرەزيدەنتتىڭ قولداۋىنىڭ ارقاسىندا پەداگوگتەردىڭ جالاقىسى 2023 -جىلعى قاڭتاردا تاعى 25 پايىزعا ارتادى. سونىمەن قاتار مۇعالىمدەردىڭ كاسىبي قۇزىرەتىن ارتتىرۋعا ەرەكشە نازار اۋدارىلادى. 2021 -جىلدان باستاپ پەداگوگيكالىق جۇمىسقا تۇرۋ ءۇشىن سەرتيفيكاتتاۋ ەنگىزىلدى. ياعني ەندى جۇمىسقا تۇرۋ ءۇشىن ديپلوم جەتكىلىكسىز، مىندەتتى تۇردە ءوز ءپانى جانە ادىستەمە بويىنشا تەستىلەۋدەن ءوتۋ قاجەت»، - دەگەن ەدى مينيستر بۇعان دەيىن.
جالپى بيىل رەسپۋبليكالىق بيۋدجەتتەن مۇعالىمدەردىڭ جالاقىسىن كوبەيتۋگە، ولارعا بىلىكتىلىك ساناتتارى، ماگيستر دارەجەسى ءۇشىن قوسىمشا اقى تولەۋگە جانە دەنە شىنىقتىرۋ مۇعالىمدەرىنىڭ ساباقتان تىس ساباق وتكىزۋىنە 1,2 تريلليون تەڭگە (2,5 ميلليارد دوللار) ءبولىندى.
ەستەرىڭىزگە سالا كەتسەك، 1-قاراشادا ۇكىمەت وتىرىسىندا ءبىلىم بەرۋدى دامىتۋدىڭ 2026 -جىلعا دەيىنگى تۇجىرىمداماسىنىڭ جوباسى بەكىتىلدى.