رەسەي مەن ۋكراينانى جاعدايدى قالپىنا كەلتىرۋ ءۇشىن بايىپتى ديالوگ باستاۋعا شاقىرامىز – ق ر س ءى م
بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.
«قازىرگى الەم حالىقارالىق جاعدايدىڭ كۇردەلى شيەلەنىسۋىنىڭ قاۋىپتى كەزەڭىن باستان كەشۋدە، وندا ءتۇيىندى جاھاندىق ماسەلەلەردى شەشۋدىڭ قاراما-قايشىلىقتى تاسىلدەرى مەن سانكسيالىق قىسىم ادىستەرى الدىڭعى قاتارعا شىقتى. مەملەكەتتىك شەكارالاردى قايتا فورماتتاۋ ءجۇرىپ جاتىر، اۋماقتىق داۋلار شيەلەنىسىپ، بۇرىن «مۇزداتىلعان» قاقتىعىستار قايتادان قىزا تۇسۋدە»، - دەدى ول مينيسترلىكتىڭ وسى جىلعى جۇمىسىن قورىتىندىلاۋعا ارنالعان باسپا ءسوز ءماسليحاتىندا.
ونىڭ اتاپ وتۋىنشە، ۋكراينا داعدارىسى رەسەي مەن باتىس اراسىنداعى گەوساياسي شيەلەنىستىڭ جاڭا كەزەڭىنە اكەلگەن ەڭ ۇلكەن سىناق بولىپ تۇر.
«ءبىر كەزدەرى جاقىن، باۋىرلاس ەلدەر اراسىنداعى اسكەري قاقتىعىس وسى حالىقتاردىڭ بارلىق دوستارىن قاتتى الاڭداتادى جانە وكىنىشىن تۋدىرادى. ءبىز ءداستۇرلى تۇردە قارسىلاس تاراپتاردى جاعدايدى قالپىنا كەلتىرۋ ءۇشىن بايىپتى ديالوگ باستاۋعا شاقىرامىز»، - دەدى ايبەك سمادياروۆ.
وسىعان دەيىن قازاقستان رف ەلشىسى بوروداۆكيننىڭ داۋلى سۇحباتىنا قاتىستى تۇسىنىكتەمە العانى تۋرالى جازدىق.