ديماش قۇدايبەرگەن «بولاشاق» ستيپەندياسىنا يە بولدى

None
استانا. قازاقپارات - تانىمال ءانشى، وتانداسىمىز ديماش قۇدايبەرگەن حالىقارالىق «بولاشاق» ستيپەندياسىنا يە بولدى، دەپ حابارلايدى قازاقپارات ءتىلشىسى.

بۇگىن «بولاشاق» حالىقارالىق ستيپەندياسى يەگەرلەرىنىڭ ءتىزىمى جاريالاندى. رەسپۋبليكالىق كوميسسيا شەشىمىمەن بيىلعى حالىقارالىق ستيپەنديا 178 ادامعا تاعايىندالدى.

ونىڭ ىشىندە 60 ادام الەمنىڭ ۇزدىك جوعارى وقۋ ورىندارىنىڭ ماگيستراتۋراسىنا، 8 ادام دوكتورانتۋراسىنا ءتۇستى. سونداي-اق، 110 ستيپەنديات «تاعىلىمداما» باعدارلاماسى بويىنشا بىلىكتىلىگىن ارتتىرادى.

اتالعان ستيپەندياعا يە بولعانداردىڭ تىزىمىندە بەلگىلى ءانشى ديماش قۇدايبەرگەن دە بار. ءبىراق قانداي وقۋ ورنىنا تۇسكەنى بەلگىسىز.

ايتا كەتسەك، «بولاشاق» ستيپەندياسىنىڭ يەگەرلەرى الەمنىڭ 20 ەلىندە اكادەميالىق ءبىلىم الادى جانە تاعىلىمدامادان وتەدى.

مەملەكەت باسشىسىنىڭ تاپسىرماسى اياسىندا «بولاشاق» باعدارلاماسىن قايتا باعدارلاۋ پروتسەسى ىسكە قوسىلدى. ەندى باسىمدىق ينجەنەرلىك-تەحنيكالىق كادرلاردى دايارلاۋعا بەرىلەدى.

ەسكە سالا كەتسەك، كەشە ق ر مەملەكەتتىك كەڭەسشىسى ەرلان قاريننىڭ توراعالىعىمەن شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ كەزەكتى وتىرىسى ءوتتى.


سوڭعى جاڭالىقتار