اۆتوماتتاندىرىلعان داكتيلوسكوپيا مەن وڭ جاق ءرۋلدى كولىكتەردى تىركەۋ تۋرالى زاڭ قابىلداندى

استانا. قازاقپارات - بۇگىن پارلامەنت ءماجىلىستىڭ جالپى وتىرىسىندا پالاتا دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەت باسشىسىنىڭ جەكەلەگەن تاپسىرمالارىن ىسكە اسىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا سەنات ەنگىزگەن تولىقتىرۋلارمەن كەلىستى، دەپ حابارلايدى قازاقپارات ءتىلشىسى.

«پارلامەنت سەناتى ەنگىزگەن وزگەرىستەر مەن تولىقتىرۋلار ءماجىلىس ماقۇلداعان زاڭ جوباسىنىڭ تۇجىرىمداماسى مەن مازمۇنىن وزگەرتپەيدى. وسى ورايدا كوميتەت اتالعان زاڭ جوباسىنا سەنات ەنگىزگەن وزگەرىستەرمەن كەلىسۋدى ۇسىنادى»، - دەدى ءماجىلىستىڭ ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى، دەپۋتات عالىم امىرەيەۆ.

وسى ورايدا ءماجىلىس دەپۋتاتتارى سەنات ۇسىنعان تۇزەتۋلەردى قولداۋ تۋرالى شەشىم قابىلدادى.

زاڭ جوباسىنداعى نورمالار كوپتەگەن سالاداعى ماسەلەلەردى شەشۋگە باعىتتالعان. اتاپ ايقاندا، وڭىرلەردىڭ قارجىلىق دەربەستىگىن ودان ءارى ارتتىرۋ ءۇشىن سالىق تۇسىمدەرىنىڭ جەكەلەگەن تۇرلەرىن جەرگىلىكتى بيۋدجەتكە بەرۋ كوزدەلىپ وتىر. تۇزەتۋلەر مەملەكەتتىك ساتىپ الۋداعى باسەكەلەستىك ورتانى كەڭەيتۋگە جانە وسى سالاداعى سىبايلاس جەمقورلىق تاۋەكەلدەرىن ازايتۋعا جاعداي جاسايدى.

بۇدان بۇرىن حابارلانعانداي، جاقىندا سەنات «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەت باسشىسىنىڭ جەكەلەگەن تاپسىرمالارىن ىسكە اسىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ەكى وقىلىمدا قارادى. قۇجاتقا تۇزەتۋلەر ەنگىزىلگەندىكتەن زاڭ جوباسى ماجىلىسكە قايتارىلدى.

قۇجاتتى قاراۋ بارىسىندا سەناتورلار وعان ءبىرقاتار وزگەرتۋلەر ەنگىزۋدى ۇسىندى:

1. اۆتوماتتاندىرىلعان داكتيلوسكوپيالىق اقپاراتتىق جۇيەنى ىسكە قوسۋ جونىندەگى ءىس- شارالاردىڭ جەتكىلىكسىز قارجىلاندىرىلۋىنا بايلانىستى، ونى تولىق كولەمدە ىسكە قوسۋ مەرزىمىن 2023 -جىلعى 1-قاڭتاردان 2024 -جىلعى 1-قاڭتارعا اۋىستىرۋ ۇسىنىلدى.

2. پرەزيدەنت جولداۋى اياسىندا قازاقستانعا 2022 -جىلدىڭ 1-قىركۇيەگىنە دەيىن اكەلىنگەن جانە ەلىمىزدىڭ زاڭناماسىنا سايكەس مەملەكەتتىك تىركەۋدەن وتپەگەن شەتەلدىك اۆتوموبيلدەردى ءبىرجولعى زاڭداستىرۋدى جۇرگىزۋ مىندەتى قويىلدى. وسىعان بايلانىستى ە ا ە و- عا مۇشە مەملەكەتتەردە اينالىمعا شىعارىلعان جانە 2022 -جىلعى 1-قىركۇيەككە دەيىن قازاقستان اۋماعىنا اكەلىنگەن باسقارۋ ورگاندارى وڭ جاقتا ورنالاسقان اۆتوموبيلدەرگە الداعى زاڭداستىرۋ اياسىندا تىيىم سالۋدى الىپ تاستاۋ بولىگىندە «جول قوزعالىسى تۋرالى» ق ر زاڭىنا تۇزەتۋ ۇسىنىلدى.

ايتا كەتەيىك، قازاقستاندا شەتەلدە تىركەلگەن وڭ جاق رۋلدى اۆتوكولىكتەردى ءبىرجولعى زاڭداستىرۋعا رۇقسات بەرىلەدى.