قازاقستاندىق تەننيسشىلەر مىسىرداعى تۋرنيردىڭ فينالىنا ءوتتى

استانا. قازاقپارات - قازاقستاندىقتار ارۋجان ساعىندىقوۆا مەن جانەل رۇستەموۆا جۇپتىق سىندا مىسىردىڭ شارم-ەل-شەيح قالاسىندا ءوتىپ جاتقان ITF W15 تۋرنيرىنىڭ فينالىنا شىقتى، دەپ حابارلايدى قازاقپارات ءتىلشىسى.

قازاقستاندىق جۇپ جارتىلاي فينالدا جارىستىڭ ەكىنشى راكەتكالارى، ۇلى بريتانيالىق اليشە رەايەر - ەكۆادورلىق كاميللا رومەرومەن شەبەرلىك بايقاستى.

قازاقستاندىقتار 6:4، 6:4 ەسەبىمەن باسىم ءتۇستى.

ولاردىڭ فينالداعى قارسىلاستارى كەيىن انىقتالادى.

بۇل 18 جاستاعى ج. رۇستەموۆا ءۇشىن ەرەسەكتەر اراسىنداعى ەكىنشى فينالى بولماق. ال 17 جاسار ا. ساعىندىقوۆا وسىنداي فينالدا ەكى رەت ويناپ، بىرەۋىندە العاشقى تيتۋلىنا قول جەتكىزدى.

ەسكە سالا كەتەيىك، بۇدان بۇرىن قازاقستاندىق تەننيسشىلەردىڭ مىسىرداعى جارىستىڭ جارتىلاي فينالىنا شىققانىن جازعان بولاتىنبىز.

سونداي-اق جىبەك قۇلامبايەۆا ازيا ويىندارىندا باق سىناعىسى كەلەتىنىن ايتتى.