اقجارقىن تۇرلىباي ءىسى: نيگەريا بيلىگى كۇدىكتىنى ءالى ەكستراديتسيالاماعان
بۇل تۋرالى ق ر باس پروكۋراتۋراسى وكىلدەرى حابارلادى.
ايتا كەتەيىك، 20- ماۋسىمدا اديندۋ نونسو فورتۋننىڭ ۇستالعانى بەلگىلى بولدى. سودان بەرى 6 ايعا جۋىق ۋاقىت ءوتتى.
«بۇعان دەيىن اديندۋ نونسو فورتۋندى ۇستاۋ تۋرالى حابارلامانىڭ قازاقستان رەسپۋبليكاسىنىڭ باس پروكۋراتۋراسىنا تۇسۋىنە بايلانىستى ديپلوماتيالىق ارنالار ارقىلى نيگەريانىڭ قۇزىرلى ورگاندارىنا ونى ەكستراديتسيالاۋ تۋرالى سۇراۋ جىبەرىلدى. قازىر نيگەريا تاراپى مۇنى قاراستىرىپ جاتىر»، - دەلىنگەن حالىقارالىق-قۇقىقتىق ىنتىماقتاستىق قىزمەتىنىڭ باستىعى ارتۋر لاستايەۆتىڭ قولى قويىلعان جاۋاپتا.
سونداي-اق، باس پروكۋراتۋرا مالىمەتىنشە، اديندۋ نونسو فورتۋناعا قاتىستى قىلمىستىق ءىستى الماتى قالالىق ءى ءى د قازاقستان رەسپۋبليكاسى قىلمىستىق كودەكسىنىڭ 297-بابى 3-بولىگى 1، 3-تارماقتارى بويىنشا تەرگەپ جاتىر.
ەسكە سالايىق، 2014-جىلى قازاقستاندىق ستۋدەنت اقجارقىن تۇرلىباي تانىستارى كوندىرىپ، الماتىدان قىتايعا كەتكەن بولاتىن. ونىڭ ىشىندە نيگەريا ازاماتتارى دا بولعان. ولار اقجارقىنعا گۋانجوۋدان مالايزياعا كيىم تاسىمالداپ بەرگەنى ءۇشىن اقشا تولەيتىندەرىن ايتىپ ۋادە بەرگەن. گۋانجوۋدان ۇشار كەزدە اقجارقىن ۇستالدى. ونىڭ سومكەسىنەن ەسىرتكى تابىلعان.
2015-جىلى تۇرلىباي ەسىرتكى تاسىمالداعانى ءۇشىن ءومىر بويىنا باس بوستاندىعىنان ايىرىلعان بولاتىن.