قىزمەت ادەبىن بۇزعان قازىعۇرتتىق پوليتسەيدىڭ ۇستىنەن قىلمىستىق ءىس قوزعالدى

None
تۇركىستان. قازاقپارات - قىزمەتتىك ەتيكانى ساقتاماعان قازىعۇرتتىق پوليتسەيدىڭ ۇستىنەن ق ر ق ك- ءنىڭ 362-بابىمەن قىلمىستىق ءىس قوزعالدى.

بۇل تۋرالى تۇركىستان وبلىسى پوليتسيا دەپارتامەنتىنىڭ باستىعى مۇرات قابدەنوۆ مالىمدەدى، دەپ حابارلايدى قازاقپارات ءتىلشىسى.

«كادر جونىندەگى ورىنباسارىم باستاعان توپ قازىعۇرت اۋدانىنا اتتاندى. توپتىڭ قۇرامىندا وزىندىك قاۋىپسىزدىك باسقارماسىنىڭ باستىعى جانە ارنايى بىلىكتى ماماندار بار. ولار قازىعۇرت پوليتسياسىنىڭ جەكە قۇرامىن جيناپ، جينالىس وتكىزدى. جينالىس ءجاي عانا قاراپايىم تالقىلاۋ ەمەس، ارنايى ساۋالنامالار جۇرگىزىلىپ، دەرەكتەر ورتاعا سالىندى»، - دەپ جازدى ول facebook پاراقشاسىندا.

سونداي-اق، زاڭعا قايشى ارەكەتتەر دالەلدەنسە، ءتيىستى شارالار قابىلداناتىندىعىن جەتكىزدى.

«قازىرگى ۋاقىتتا پوليتسەيگە قاتىستى قىلمىستىق ءىس قوزعالدى، ەندى ول ءىستى باقىلايتىن، قاداعالايتىن ءتيىستى ورگاندار بار. سوندىقتان، زاڭعا سۇيەنەيىك! جالعان اقپارات تاراتۋ، ارانداتۋشىلىق پەن دالەلسىز ءسوز جازۋعا جول بەرمەيىك!» - دەپ جازدى ول.

ايتا كەتەيىك، بۇگىن قىزمەتتىك ەتيكانى ساقتاماعان پوليتسيانىڭ ءبولىم باستىعىنا قاتىستى وقيعا تەكسەرىلىپ جاتقانىن جازعان بولاتىنبىز.


سوڭعى جاڭالىقتار