20:11, 09 - جەلتوقسان 2022 | GMT +6
كەلەر جىلى الماتى قالاسىنىڭ جاڭا باس جوسپارى بەكىتىلەدى
الماتى. قازاقپارات - الماتى قالاسىنىڭ 2040-جىلعا دەيىنگى جاڭا باس جوسپارى ۇكىمەتتىڭ شەشىمىمەن 2023-جىلدىڭ I توقسانىندا بەكىتىلەدى.
بۇل تۋرالى شاھار باسشىسى ەربولات دوسايەۆ قالالىق ءماسليحاتتىڭ كەزەكتەن تىس سەسسياسىندا ايتتى، دەپ حابارلايدى قازاقپارات ءتىلشىسى.
2040-جىلعا دەيىنگى باس جوسپاردى بەكىتۋ - قالا اۋماقتارىنىڭ اركەلكى دامۋىن جويۋعا، الەۋمەتتىك، ينجەنەرلىك جانە كولىكتىك قامتاماسىز ەتۋ، ينفراقۇرىلىم ماسەلەلەرىن شەشۋگە، الماتى حالقىنىڭ ءومىر ءسۇرۋ ساپاسىن جاقسارتۋعا مۇمكىندىك بەرەدى، - دەدى الماتى اكىمى.
ول سونداي-اق، قالا تۇرعىندارىنىڭ جوعارى ءومىر ءسۇرۋ ساپاسىن قامتاماسىز ەتۋ، قالانىڭ پوليورتالىق ءپرينتسيپىن دامىتۋ ءۇشىن زاماناۋي ۋربانيستىك شەشىمدەر قولدانىلاتىنىن، ول ءۇشىن مەگاپوليستە نەگىز بار ەكەنىن اتاپ ءوتتى.