الماتى پروكۋراتۋراسى ۇرلانعان تاۋارلاردى انىقتايتىن سايتتى ىسكە قوستى

الماتى. قازاقپارات - الماتى قالاسىنىڭ پروكۋراتۋراسى ۇرلانعان تاۋارلاردى انىقتاۋعا ارنالعان «Urlangan.kz» ارنايى سايتىن ىسكە قوستى، دەپ حابارلايدى قازاقپارات ءتىلشىسى.

پروكۋراتۋرانىڭ مالىمەتىنشە، سايت ىشىندە ۇرلانعان كومپيۋتەر، تەلەديدار، پلاشنەت، ۇيالى تەلەفون، ءتىپتى ساعاتتاردىڭ ءجۇز مىڭعا جۋىق سەريالىق ءنومىرى بار.

سايتتى قولدانۋشى قۇرىلعى كودىن تەرۋ ارقىلى وزىنە ساتىپ الۋعا ۇسىنىلعان زاتتىڭ ۇرلانعان زاتتار تىزىمىندە بار- جوعىن تەكسەرە الادى. سونىمەن قاتار، دۇكەندەر مەن تەحنيكانى ساتىپ الۋ پۋنكتتەرى دە سايت ارقىلى تاۋارلاردى تەكسەرە الادى. سايكەستىك انىقتالعان جاعدايدا، پوليتسيا ورگاندارىنا جۇگىنۋ قاجەت، -

دەپ حابارلادى پروكۋراتۋرادان.

ۆەدومستۆودان حابارلاعانداي، الماتىدا سوڭعى ءۇش جىل ىشىندە مۇلىك ۇرلاۋدىڭ 10 مىڭعا جۋىق دەرەگى انىقتالعان. ونىڭ باستى سەبەبى - ازاماتتار تاۋاردىڭ شىققان جەرىن تەكسەرمەي، موبيلدىك قۇرىلعىلار مەن باسقا دا تەحنيكالىق قۇرالداردى ساتىپ الاردا الدانۋدىڭ قۇربانى بولعان.